Зайнидин Курманов: "Кыргызстанда саясий туруктуулукту сактап калуу абдан маанилүү"

"2015-жылы Кыргызстанда парламенттик шайлоону өткөрүүдө саясий туруктуулукту сактап калуу абдан маанилүү",- деди 15-декабрда Бишкекте өтүп жаткан тегерек столдо саясий серепчи Зайнидин Курманов.

Анын айтымында, Украинада орун алган окуялар революция жасоо өлкөгө жакшы жашоо алып келүүгө жетишсиз экендигин далилдейт. "Кыргызстанда 2005-жылдан тарта ар кандай уюмдар саясий туруктуулукту сактап калуу боюнча иш жүргүзүп келишет. Биз үчүн бул абдан маанилүү",- деди серепчи.

Президенттик аппараттын башчысы Данияр Нарымбаевдин билдиришинче, парламенттик шайлоо боюнча мыйзам долбоорлорду даярдоодо бир топ суроолор пайда болууда. "Бүгүнкү иш-чарада депутаттардын пикирлерин угуу керек. Алардын ойлорун эске алуу абдан маанилүү",- деди Нарымбаев.

Автор: Нургазы Аматов
Фото: Нургазы Аматов