Вице-премьер-министр Камила Талиева Улуттук илимдер академиясынын жалпы жыйынына катышты

Бүгүн, 8-февралда КРнын Вице-премьер-министри Камила Талиева Улуттук илимдер академиясынын жалпы жыйынына катышты. Талиева аталган академиянын окумуштууларына өкмөт тараптан колдоо жана мамлекеттик деңгээлде жардам бериле турганын айтты. “Азыркы учурда өкмөт өлкөнүн эң маанилүү маселелерин чечүүдө окумуштуулар менен бирге иш алып барууга умтулат. Мисалы, тоо-кен өнөр жайында, гидроэнергетика, курулуш тармактарындагы ири долбоорлордо окумуштуулардын катышуусу менен экспертизаларды өткөрүүгө өкмөт муктаж”,- деп кошумчалады.

Автор: Ширин Жумадилова