Парламент комитети Кыргызстанга 38 миллион евро грант берүү боюнча келишимди бекитүүнү кийинки аптага калтырды

Бүгүн, 16-февралда парламенттин Бюджет жана каржы маселелери боюнча комитети

КРнын Өкмөтү менен Германия Федеративдүү Республикасынын Өкмөтүнүн ортосундагы өкмөттөр аралык 2013-2014-жылдарга финансылык жана техникалык кызматташтык жөнүндө келишимдерди ратификациялоону кийинки аптага калтырды.

Буга экономика министри Темир Сариевдин жыйынга келбегендиги, келишимдер кыргыз тилинде жазылбагандыгы жана акча каражат кайсы тармакка кандай көлөмдө так белгиленбегендиги себеп болду.

Айта кетсек, аталган келишимге ылайык, Германия Кыргызстанга 38 миллион евро бериши керек.

Автор: Нургазы Аматов
Фото: Нургазы Аматов