Суу чарбасын жакшыртуу үчүн Дүйнөлүк банк Кыргызстанга 16 миллион доллар берет

Бүткүл дүйнөлүк банк жана Өнүгүү жана кызматташтык боюнча Швейцария агенттиги суу чарбасын жакшыртуу үчүн Кыргызстанга 26 миллион долларлык кайтарымсыз жардам берет. Бул тууралуу бүгүн, 11-февралда ЖКнын Агрардык саясат, суу ресурстары, экология жана региондук өнүгүү боюнча комитетинин жыйынында Айыл чарба жана мелиорация министрлигинин Суу чарба департаментинин жетекчиси Көкүмбек Таштаналиев билдирди. “2013-2017-жылдар аралыгындагы ишке ашчу долбоорго Дүйнөлүк банк 16,5 миллион доллар, ал эми Өнүгүү жана кызматташтык боюнча Швейцария агенттиги 10 миллион доллар өлчөмүндө жардам көрсөтөт”,- деди Таштаналиев. Бул каражат Суу чарба департаментинин аймактык кеңселерин компьютердик жабдыктар менен камсыз кылууга, тамак-аш коопсуздугун камсыз кылууга жумшалат.

Автор: Гүлмайрам Сабырбекова