Башкы прокуратурага Ош жана Жалал-Абадды калыбына келтирүүгө байланыштуу мыйзам бузууларды териштирүүгө 3 ай берилди

Парламенттин Транспорт, коммуникация, архитектура жана курулуш боюнча комитетинин жетекчиси Жусупали Исаев.

Транспорт, коммуникация, архитектура жана курулуш, Мыйзамдуулук, укук тартиби жана кылмыштуулук менен күрөшүү комитеттеринин кошмо жыйыны

Башкы прокуратурага Ош жана Жалал-Абад шаарларын калыбына келтирүүгө байланыштуу каржылык мыйзам бузууларды териштирүүгө 3 ай убакыт берилди. Мындай чечим бүгүн, 3-мартта парламенттин Транспорт, коммуникация, архитектура жана курулуш, Мыйзамдуулук, укук тартиби жана кылмыштуулук менен күрөшүү комитеттеринин кошмо жыйынында кабыл алынды.

Комитет жетекчилери чечимди макулдашып, төмөнкүлөргө токтолушту:

1. Башкы прокуратура Эсептөө палатасы менен биргеликте Ош жана Жалал-Абад шаарларын калыбына келтирүүдө каражат жагынан канча зыян келтирилгенин аныктасын.

2. Ош жана Жалал-Абад шаарларын калыбына келтирүү боюнча мамлекеттик дирекциянын өкүлдөрүнө жана тиешелүү мамлекеттик кызматкерлерге юридикалык баа берилсин.

3. Башкы прокуратура 3 ай ичинде аталган шаарларды калыбына келтирүүгө байланыштуу каржылык мыйзам бузууларды териштирип, отчёт берсин.

Автор: Нургазы Аматов