Кыргыз жеринде 9-Майга карата “Эскерүү эстафетасы” жана “Жашыл толкун” акциялары өтөт

Кыргыз жеринде Улуу Ата Мекендик согуштагы жеңиштин 70 жылдыгына карата “Эскерүү эстафетасы” жана “Жашыл толкун” акциялары өтөт. Бүгүн, 5-мартта акцияларды өткөрүүгө даярдыктар боюнча уюштуруу комитетинин жыйыны болду. Жыйында депутат Курмантай Абдиев парламенттин Коргоо жана коопсуздук комитети Улуу Жеңиштин 70 жылдыгын майрамдоо маселесин талкуулап чыкканын, анда көптөгөн сунуш-пикирлер берилгендигин айтты. “Биз көчөт отургузууну сунуштап жатабыз, бул ишти салтка айлантуубуз керек. Муну менен шаарды жашылдандырууга дагы салым кошобуз”,- дейт депутат.

Согуштун жана ооруктун, куралдуу күчтөрдүн, укук коргоо органдардын ардагерлер уюмунун төрагасы Тарас Токомбаев мындай иш-чараларга жаштардын жигердүү катышуусун колдоду. “Бул эң башкысы, анткени дал ушул жаштар жеңиштин мураскерлери болуп саналат. Мен аталган акциялар бардык майрамдардын башы болуп, жогорку деңгээлдеги уюшкандыкта өтөрүнө ишенем”,- деди Токомбаев.

Автор: Автандил Добулбеков