Орусия. Борис Немцовдун өлүмүнө шектелип 2 адам кармалды

Орусияда Борис Немцовдун өлүмүнө байланыштуу козголгон кылмыш ишинин алкагында кылмышка шектелип 2 адам кармалды. Бул тууралуу 7-мартта орусиялык маалымат булактары Орусиянын Федералдык коопсуздук кызматынын башчысы Александр Бортниковго шилтеме берүү менен жарыялашты. Маалыматка таянсак, кармалгандар Кавказдын тургундары: Анзор Кубашев жана Заур Дадаев. "Учурда зарыл болгон бардык ыкчам иликтөө иштери жүрүүдө",- деп билдирет Бортников.

Эскерте кетсек, оппозициялык саясатчы Борис Немцовду быйыл 28-февраль түнү Москва шаарында белгисиз бирөөлөр атып кетишкен эле.

Автор: Автандил Добулбеков