"Эки баласын бычактап өлтүргөн" деп шектелген айым "акыл-эси жайында эмес" деп табылды

"Борбордогу Арча-Бешик жаңы конушунда эки баласын өлтүрдү" деп шектелип 2 айга камакка алынган аял "акыл-эси жайында эмес" деп табылды. Бул тууралуу бүгүн, 23-мартта SUPER.KG порталына Бишкек шаардык ички иштер башкы башкармалыгынын басма сөз кызматынын башчысы Олжобай Казабаев билдирди.

"Эки баласын бычактаган" деп шектелген 33 жаштагы Амира Ибраева "акыл-эси жайында эмес" деп табылды. Бүгүн же эртең тергөөчү бүтүм чыгарып, аны сотко жөнөтөт. Тергөөчү, экспертизанын жыйынтыгына ылайык, кылмышка шектүү медициналык кароо жагынан медициналык жардамга муктаж экендигин белгилөөдө. Ал эми кылмышка шектүүнүн баш коргоо чарасын сот аныктайт",- деди О.Казабаев. Маалыматка ылайык, эки бала бир нече бычак жараатынан каза тапканы тиешелүү экспертизаларда аныкталган.

Бүгүн №1-СИЗОнун администрациясы жана Жазаларды аткаруу кызматы тиешелүү мекемелерге кылмышка шектүү А.Ибраеваны атайын ооруканага которууну өтүнгөн болчу. Алар "кылмышка шектүү тиешелүү адистер тарабынан психологиялык жардамга муктаж жана аны атайын дарылоочу жайга которуу керек" деп билдиришкен Жаза аткаруу кызматынан.

Айта кетсек, 15-февраль күнү Арча-Бешик жаңы конушундагы батирлердин биринен 3 жана 4 жаштагы балдардын жансыз денелери табылган. Бул боюнча иликтөө иштери жүрүп, кылмышка шектүү катары маркум балдардын апасы кармалган. Ошондой эле кылмышка шектүүнүн Бишкектеги мектептердин биринде мугалим болуп иштеп келгени белгилүү болгон.

Автор: Мальвина Уметбекова

19:07 23-03-2015

Жазылуу

РУБРИКАДАГЫ СОҢКУ КАБАРЛАР

11:29 2025-05-16 | Кылмыштар, кырсыктар

Убактылуу кармоочу жайда отурган жаран асынып алды 127 0

11:29 2025-05-16 | Супер-Инфо

Күндүн алдында коргоосуз калбаңыз! 28 0

11:24 2025-05-16 | Кылмыштар, кырсыктар

Баткенде сатылып кеткен 30 сотых жер мамлекетке кайтарылды 110 0

11:11 2025-05-16 | Түркүн дүйнө

Түштүк-Чыгыш Азияда COVID-19 вирусун жуктургандардын саны көбөйүүдө 218 0

10:48 2025-05-16 | Коом жана турмуш

Бишкектин айрым конуштарында таза суу берилбейт 145 0

10:36 2025-05-16 | Кылмыштар, кырсыктар

Ысык-Көлдө Сот департаментинин жетекчисинин диплому жасалма экендиги аныкталды 398 0

Архив

Комментарийлер (7)

Akmosha

2015-03-23 23:34:43

Акыл Эси жайында болсо озунун балдарын олтурсок беле.

rahat.87

2015-03-23 23:41:05

Кызыкго ээми билишиптирби акылы жайында эмес экенин.Соо адам андай ишке барбайтго.тан калычтуу,ден соолугу жакшы эмес экен эки баланы тороп кантип чонойтуп жатты экен эле.

Sharipa-asia

2015-03-24 00:07:48

Буларга чейин эле билгенбиз

tin90

2015-03-24 02:16:41

Эй адамдар кудайым ошондой ооруу берип сынабасын тобо кылгыла

zhykyo

2015-03-24 09:30:25

Мектепте кантип иштеп журду экен

Nazulya

2015-03-24 09:57:51

Акыл-эси болсо ордунда болсо балдарын олтурмок беле? Ал аял больницалдан качып чыгып кетиши деле мумкун, Кудай сактасын

PAUK

2015-03-24 10:02:21

Бул эженин ичине жин кирип алган, Молдолорго алып барып чыгарыш керек.

Комментарий калтыруу үчүн өз ысымыңыз менен кириңиз же каттоодон өтүңүз.