Кара-Балтада күйөөсү аялын өлтүрүп, андан соң өзү асынып алды

Кара-Балта шаарында жергиликтүү тургун аялын өлтүрүп, андан соң өзү да асынып алган. Бул тууралуу бүгүн, 25-мартта SUPER.KG порталына Чүй облустук ички иштер башкы башкармалыгынын басма сөз кызматынын ага тескөөчүсү Нургүл Нусупова билдирди.

Маалыматка ылайык, бул каргашалуу окуя 16-март күнү болгон. Анда Жайыл райондук милициясына 50 жаштагы Ф.Э. аттуу жаран өз үйүндө асынып алганы тууралуу билдирүү түшкөн. Окуя болгон жерге келген милиционерлер үйдүн жер төлөсүнөн маркумдун аялынын да жансыз денесин табышкан.

Бул факт боюнча милицияга маркумдун Казакстанда жашаган эжеси билдирген. Ага бир тууган иниси телефон чалып кечирим сураган да, аялынын өмүрүн сактай албагандыгына өкүнгөнүн билдирген. Ошондой эле аялы ага таарынып уксус ичип каза болгонун айткан. Мындан улам маркумдун эжеси Казакстандан кайтып келип, инисинин жана келининин жансыз денелерин көргөн.

Окуя болгон жерге келген адистер аялдын денесинен бир нече жаракаттарды таап, аялдын оозунан көбүк чыгып турганын айтышкан. Ал эми соттук-медициналык экспертизадан аялдын 2 кабыргасы сынып кеткени да аныкталган.

"Учурда бул факт боюнча "адам өлтүрүү" беренеси боюнча кылмыш иши козголду. Андан сырткары тиешелүү бардык экспертизалар дайындалды, азыркы тапта иликтөө иштери жүрүүдө",- деди Н.Нусупова.

Маркумдардын коңшулары бул үй-бүлө акыркы учурларда көп урушуп жүрүшкөнүн айтышкан. Каза болгондордун ортосунда 23 жаштагы майып кызы калды, анын баса албай турганы жана сүйлөбөгөндүгү белгилүү болду.

Автор: Мальвина Уметбекова

09:55 25-03-2015

Жазылуу

РУБРИКАДАГЫ СОҢКУ КАБАРЛАР

13:29 2025-05-16 | Коом жана турмуш

Өлкөдө дем алыш күнү туруксуз аба ырайы күтүлөт 96 0

13:24 2025-05-16 | Супер-Инфо

“Эркектей эле болчу...” Же кыргыздар мырзаны кантип тарбиялашкан? 33 0

13:18 2025-05-16 | Коом жана турмуш

"Кызыгуум күч болду". Кыргыз тилин 5 айда үйрөнгөн стамбулдук Юсра менен маек (видео) 1478 0

12:51 2025-05-16 | Коом жана турмуш

17-майга карата аба ырайы 179 0

12:19 2025-05-16 | Супер-Инфо

Клара Алибекова, ырчы: «Кайра жаралсам таптакыр башкача жашамакмын» 215 0

12:00 2025-05-16 | Коом жана турмуш

Садыр Жапаров курулуп баштаган тоо-лыжа курортуна инвесторлорду чакырды 421 0

Архив

Комментарийлер (7)

Bektur2

2015-03-25 10:22:02

Мамилеси келишпесе жон эле ажырашып кетсе болмок аялы таяк жеп алып уксуз ичип коркутам десе керек аялзаты женил ойлу боушат да. Майып кызы эмне болот эми

deva

2015-03-25 10:24:39

чын эле, мамилеси келишпесе башканы алып бактылуу кылбайбы... Байкуш тиги майып кызга эле боорум ооруп турат, эми анын тагдыры не болот?

zhykyo

2015-03-25 11:07:34

Сотолуп кеткенден коро олойун деген экен да жаман жаман

kerakg

2015-03-25 13:33:10

уксуз ичтиби, кабыргасы сынганыга караганда же оозуна уксуз куйуп жуткузуп олтурдубу бир Алла билет, майып кызы Алла берген насипти жашайт, а берки куйоосу тозоктун тупкуруно барабы аны да бир Алла билет.

bom.bon

2015-03-25 13:52:05

кылмыш ишин кимге козгойт?экоо тен кетиптирго?

crishti_7

2015-03-25 16:44:24

Арактын айынан же акча жетишпегендиктин айынан. Эхх... Эмне дешти да билбейм

Sadyrov_n93

2015-03-25 22:33:26

Сабыр берсин да баарыбызга Кудайым.

Комментарий калтыруу үчүн өз ысымыңыз менен кириңиз же каттоодон өтүңүз.