Бишкекте айдоочу жол боюнда турган жөө жүрүүчүнү сүзүп, жабыркаган жаран мерт болду

Борбор калаада айдоочу жол боюнда турган жөө адамды сүзүп, ал каза болуп калды. Бул тууралуу бүгүн, 25-мартта Ички иштер министрлигинин Жол-кайгуул кызматынан билдиришти.

Маалыматка ылайык, жол кырсыгы кечээ саат 23:55 чамасында Жибек-Жолу көчөсүндө болгон. Анда Мерседес-Бенц үлгүсүндөгү кичи автобус жол боюнда турган 36 жаштагы жаранды сүзүп кеткен. Натыйжада ал оор жаракаттарды алып, окуя болгон жерден каза болуп калган. Учурда айдоочу камакка алынып, унаа айып пул төлөөчү жайга токтотулду. Бул факт боюнча териштирүү иштери жүрүүдө.

Автор: Мальвина Уметбекова