Жайыл районунда катуу шамалдан улам 4 кабаттуу үйгө чоң дарак кулады

Жайыл районуна караштуу Кара-Балта шаарындагы көп кабаттуу үйлөрдүн бирине катуу шамалдан улам бак кулап, аны куткаруучулар барып кыйышты. Бул тууралуу бүгүн, 25-мартта Өзгөчө кырдаалдар министрлигинен билдиришти.

Маалыматка ылайык, Кара-Балта шаарындагы Пушкин көчөсүндөгү 4 кабаттуу үйдүн 4-кабатындагы батирдин балконуна чоң бак кулап калган. Окуя болгон жерге Өзгөчө кырдаалдар министрлигинин куткаруучулары барып, жергиликтүү тургандардын өмүрүнө коркунуч жараткан бакты түп-тамыры менен алып салышты.

Автор: Мальвина Уметбекова