Ош шаарында быйыл Улуу Ата Мекендик согуштагы жеңиштин 70 жылдыгы өзгөчө белгиленмекчи

Ош шаарында быйыл 9-Май - Улуу Жеңиштин 70 жылдыгын өзгөчө белгилөө демилгеленүүдө. Буга байланыштуу комплекстүү иш-чараларды ишке ашыруу багытында атайын уюштуруу комитетинин штабы түзүлдү. Бул тууралуу бүгүн, 26-мартта шаардык мэриядан билдиришти.

“Жаркын келечегибиз үчүн кан майданда душмандар менен бетме-бет салгылашкан согуш ардагерлерине өзгөчө мээрим менен таазим этүү парз. Андыктан быйыл Жеңиш майрамын ардагерлердин катышуусунда өзгөчө белгилешибиз керек”,- деди шаардын биринчи вице-мэри жана уюштуруу тобунун төрагасы Замирбек Аскаров.

Мэрия тарабынан аталган иш-чараны уюштуруу жана өткөрүү үчүн 1 миллион 523 миң сом бөлүндү. Андан сырткары Ош шаарынын мэринин резервдик фондунан ардагерлерге жардам көрсөтүү үчүн 135 миң сом каралганы айтылды.

Автор: Мальвина Уметбекова