Социалдык өнүгүү министрлигинин жетекчилери онкология оорусу менен жабыркаган балдардын саламаттыгы үчүн кан беришти

Бүгүн, 2-апрелде КРнын Социалдык өнүктүрүү министрлигинин жетекчилери онкология оорусу менен жабыркаган балдардын саламаттыгы үчүн кан беришти. Бул тууралуу аталган министрликтин басма сөз кызматы билдирди. Маалыматка караганда, акция “Айкөл Ала-Тоо” коомдук бирикмесинин демилгеси менен Апрель революциясынын 5 жылдыгына карата өткөрүлгөн.

Социалдык өнүгүү министри Кудайберген Базарбаевдин айтымында, министрлик коомду гумандаштыруучу мындай акцияларга дайым катышып келет.

"Биз эки жылдан бери ден соолугунун мүмкүнчүлүктөрү чектелген балдарга ар кандай майрамдык иш-чараларды өткөрүп турабыз. Аларга өздөрү тандаган кесип боюнча ийгиликтерге жетүүнүн жолдорун айтып беребиз. Анан мындай кан тапшыруу демилгеси менен бизге кайрылышканда жок дей алган жокпуз”,- деди министр.

Автор: Наргиза Бекжанова
Фото: Интернеттен алынды