“Жүргүнчү салып алып, тоо арасындагы жолдон жаныңды оозуңа тиштеп өтөсүң" дейт токтогулдук таксист жигит

110 чакырым жолду 3 гана унаа тазалайт.

Кар көчкү түшүп, тазаланбай жаткан жолдор...

Тоо арасында жол маселеси курч.

Тоо аралап кеткен жолдор кооптуу. Жүргүнчү салып алып, келмеңди оозуңдан түшүрбөй жол жүрөсүң.

Жол маселеси - жайкысын да, кышкысын да Толук айылынын тургундарынын негизги көйгөйү.

Бул жолдо унаа бузулбайт дегенге кепилдик жок.

Тоо аралап кеткен жолдор кооптуу. Жүргүнчү салып алып, келмеңди оозуңдан түшүрбөй жол жүрөсүң.

Тоолуу аймактарда жол маселеси курч бойдон калууда.

"Өкмөт жолду оңдоп берет" деген үмүт элде дагы да болсо жашайт.

Бул жолдор жакшы унаалардын бузулуусуна алып келет.

Курманбек Масылбаев 7 жылдан бери жүргүнчү ташып иштейт.

"Жол маселесинен улам жаратылыштын кооздугуна суктана деле албай каласың",- дейт айдоочу.

Жол боюнда жайгашкан айылдардагы эл турмушу

Тоолуу аймактарда жол маселеси курч бойдон калууда.

Тоо аралап кеткен жолдор кооптуу. Жүргүнчү салып алып, келмеңди оозуңдан түшүрбөй жол жүрөсүң.

Токтогул районунун борборунан Толук айылына чейин 7 жылдан бери жүргүнчү ташып иштеген Курманбек Масылбаев SUPER.KG порталына маек куруп, жолдо бир топ көйгөй бар экенин белгиледи.

Анын айтымында, бул жактагы жол маселеси жайында да, кышында да курч бойдон кала берет. Мисалы, район борборунан 110 чакырым алыстыкта жайгашкан Толук айылына баруу үчүн 4 белди ашып өтүү керек. Кышкысын тоо аралай салынган жолго кар калың жаап, көчкү түшүп, бир топ кыйынчылык жаратат. Айылга жетүү үчүн жүргүнчүлөр 4-5 саатын кенен коротушат. Айдоочу 110 чакырым жолду 3 гана унаа тазалай турганын айтып, алар жолду иретке келтиргенге жетишпей калса же унаа тыгылып калса, көчкү алдында калуу коркунучу бар экенин кошумчалады.

“Таякем ашууда баратып кар көчкү астында калган. Жетип барсак, эсин жоготуп жаткан экен. Жасалма дем алдырып, аман алып калганбыз. Жолдо эмнелер гана болбойт, бензин түгөнөт, унаа бузулат, ар түрдүү кырдаалдарга туш келесиң. Айылдан же Токтогулдан күйүүчү май келгенче 3-4 сааттап күтөсүң. Ал эми айылдагы келиндердин төрөтү өзүнчө кеп. Мындан эки жыл мурун тааныштарым толгоосу келип калган келинди Токтогулга алып бара жатканда жолго кар көчкү түшөт. Кайра жарым жолдон артка кайтышып, келин айылдагы эмканага жетип-жетпей төрөп койгон. Көбүнчө төрөтү оор келиндерди Токтогулга жөнөтүшөт. Кээде Толукка келе жаткан коноктор ашууга тыгылып, таңды күтүшөт. Ал жактан телефон байланышы да тартпайт.

Өкмөт ушул жолдорубузду оңдоп, жок дегенде шагыл төгүп берсе жакшы болмок. Союздан кийин жетим балага окшоп каралбай калдык. Бийлик өкүлдөрү алыскы айылдарга деле келишпейт экен. Эл да өзү менен өзү болуп калган”,- деди айдоочу нааразычылыгын жашырбай.

Автор: Максат Кудайбердиев
Фото: Максат Орозумбетов

18:52 07-04-2015

Жазылуу

РУБРИКАДАГЫ СОҢКУ КАБАРЛАР

00:00 2025-06-18 | Түркүн дүйнө

Трамп Иран боюнча бир катар билдирүүлөрдү жасады 70 0

23:49 2025-06-17 | Түркүн дүйнө

Түндүк Кореяга алгачкы ирет Орусиядан поезд жөнөп кетти (видео) 103 0

23:30 2025-06-17 | Түркүн дүйнө

АКШ аралаша баштады... Иран Израилдин эки шаарына эскертүү берди 654 0

23:22 2025-06-17 | Саясат

Садыр Жапаровдун Астанага болгон иш сапары аяктады 128 0

23:03 2025-06-17 | Түркүн дүйнө

Иран Израилге жаңы ракеталык чабуулун баштады 752 0

22:45 2025-06-17 | Түркүн дүйнө

Индонезияда Левотоби жанар тоосу атылды (видео) 336 0

Архив

Комментарийлер (11)

kamal777

2015-04-07 19:26:10

Туура жазыптырсын. Чиновниктерге мындай проблемалар кереги жок.Бишкекте отуруп алып, жеп уурдагандан башканы билишпейт.

Saparbekova.....

2015-04-07 19:54:36

биздин кошуна айыл гоооо...

Patriot...kg

2015-04-07 20:58:16

Биздин райондон турбайбы.

sergo

2015-04-07 21:22:13

Толуктан чыкан кыйындар деле копго кичине ашар жолу менен деле бутурсо болотда биздин депутатардан жуз жыл кутсонор деле келбейт жардам. Алар бири биринин кочугун чукуп буто элек.

Arti

2015-04-07 21:37:07

Ушул койгойду корбогон окмоттун козу кор болуп калган го. Каякты карап журушот? Не деген жашоо. Жеп ичкенден коро шагыл тогуп койсо жетет эле го.

begai93

2015-04-07 21:40:13

Оа мен дагы уккам.бирок коргон эмес элем чын эле аябай опасный экен!Бийликтеги жеп жутаттар ойду тоону бир суйлоп,каяктагы закондорду чыгаргыча ушуга окшогон маселелерди чечпейби?!

nazira1989

2015-04-07 22:09:05

Жолду ондогон адамга Аллахым ыраазы болот дешет эле,кана ошо чондорубузга ыман берип элдин камын ойлоп калып,жолун ондоп коюшса...Иншаллах быйылкы жылы ондолуп калсын,кузго чейин...

almazik2012

2015-04-07 23:24:46

Сарпашев Толуктук го,ай санар ондоп бермек

Karakoz90

2015-04-08 01:50:29

оооййй бул жолдо эмне гана жаман нерселер болгон эмес. Канча адмдын да жанын алган, кандуу жол. Сарпашев ондобой калды го. Билбейм бул жолду ондоо кимдин колунан келет, азыркы ман баштардын колунан келээрине коз жетпей калды. Менин бала кезимде эле ушундай жаман жол эле, мен карыган сайын жол да онолбой эле карып бара жатат.

i_see_you

2015-04-08 02:14:11

сарпашев торкенттен болсо керек

iaau

2015-04-08 08:25:38

ана туруктуу онугуп жаткан Кыргызстан. АША кече туруктуу онугуп жатабыз деген

Комментарий калтыруу үчүн өз ысымыңыз менен кириңиз же каттоодон өтүңүз.