"Мен дүйнөнү апам менен тааныгам" ырынын автору Түмөнбай Колдошов жеке концертинде белекке үч аргымак алды

Ош мамлекеттик университетинин ректору Каныбек Исаков кеченин ээси Түмөнбай Колдошовго аргымак тартуу кылды.

Депутат Роза Акназарова ырчы Түмөнбай Колдошовду куттуктоодо.

Кечени Нурдөөлөт Копоев жана Нурзат Токтосунова алып барышты.

Филармониянын концерттик залы көрүүчүлөргө толуп, бош орундар жок болду.

"Мен дүйнөнү апам менен тааныгам" аттуу ырдын авторлору: сөзүн Фатима Абдалова жазган, обону Түмөнбай Колдошовго таандык.

Бүгүн, 28-майда Бишкектеги Т.Сатылганов атындагы Улуттук филармонияда жаш ырчы, обончу Түмөнбай Колдошовдун жеке концерти болуп өттү. Колдошов күйөрмандарына өзүнүн жана Рыспай Абдыкадыровдун ырларын жандуу үн менен ырдап берди. Ошондой эле "Мен дүйнөнү апам менен тааныгам" аттуу ырын жана элге белгилүү болуп калган бир нече чыгармасын аккордеон менен коштоп аткарды. Кечеде башка белгилүү ырчылар да конокторго ыр тартуулашты.

Филармониянын концерттик залы көрүүчүлөргө толуп, бош орундар жок болду. Кечеге келген Жогорку Кеңештин депутаттары Роза Акназарова жана Исхак Пирматов ырчыга өздөрүнүн куттуктоо сөздөрүн арнашты. Акназарова Т.Колдошов менен бүт кыргыз эли сыймыктанарын белгилеп, ырчыны Жогорку Кеңештин Ардак баракчасы менен сыйлады. Пирматов ага бир жылкысын белекке берди.

Пирматов кечээ ээси башка ырчыларга караганда ырдын текстине көбүрөөк маани берерин айтты. "Таланттуу инсан бардык жагынан таланттуу болот. Түмөнбай инибиз музыканы илимий иштери менен ийгиликтүү айкалыштырып иштейт. Ал Ош мамлекеттик университетинин мыкты жаштарынын бири. Жалгыз Ала-Бука үчүн эмес, жалпы кыргыз эли үчүн хит ырларын жаратып жүрөт. Колдоо иретинде инибизге аргымак тартууламакчымын",- деди Пирматов.

Концерттин жүрүшүндө куттуктоо сөздөрү менен чыккан күйөрмандар Т.Колдошовдун чыгармачылыгы мындан да өсүшүн каалап, белектерди тапшырышты. Жалпысынан кече ээсине үч аргымак тартууланды.

Түмөнбай Колдошов тушоо кесүү концертин жалпы апаларга арнады

Автор: Нургазы Аматов
Фото: Нургазы Аматов

00:04 29-05-2015

Жазылуу

РУБРИКАДАГЫ СОҢКУ КАБАРЛАР

22:14 2025-05-10 | Түркүн дүйнө

Пакистан Индия менен ок атышууну токтотуудан кийин аба мейкиндигин ачты 935 0

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 1042 0

19:14 2025-05-10 | Түркүн дүйнө

Трамп Индия менен Пакистан ок атышууларын токтотконун жарыялады 1268 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 1239 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 660 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 2416 0

Архив

Комментарийлер (10)

ilyaz14

2015-05-29 00:44:43

Той болуп кетиптирго,куттуктайбыз

jetinur90

2015-05-29 00:59:16

Азаматсын, Алабуканын кулуну. Сени менен бутундой Алабука сыймыктанабыз!

-9

Dadasdasd

2015-05-29 01:07:31

jetinur90, Кыргыз эли эле деп койчу байболгур.

+22

windom

2015-05-29 07:32:08

jetinur90, жакшы адам болсо ушинтип болунобуз, эгер жаман чыкса Кыргыздар ушундай да деп эч эле жаныбызга жакын жолотпой калабыз.

+11

mers8

2015-05-29 05:55:25

Оо жакшы ийгилик брат хит ырлар биз жактан жаралат туурбайбы дагыда жарата берин

nelya88

2015-05-29 07:41:38

Жандуу ырдап концерт бергендер кубандырат..Бирок сахнанын жасалгаланышы да чон мааниге ээ. Коруучулор да бир аз озгочолукторду кутушот го,менимче...

Aitolkun91

2015-05-29 09:59:26

Чыгармачылык ийгилик алга.

bikusim

2015-05-29 10:36:43

Сахнаны жалтыр жултур кылып алып эптеп эле фонограмма менен ырдагандарды коруп жатпайлыбы. Аларга караганда бул ырчыбыз мыкты. Азаматсыз ийгилик сизге.

deva

2015-05-29 17:16:58

Обондору жакшы чынында! Фатима эжени эл алдына алып чыгып койгонуна абдан ыраазы болдум. Негизи эже кандай сонун ырларды жазат, "Кат жазчы мага" дегени эле канча турат. Акынды да эл таанышы керек

sezimay

2015-05-29 17:41:41

бул ырчыны 40 жашка жакын деп ойлопмун жаш эле экен

Комментарий калтыруу үчүн өз ысымыңыз менен кириңиз же каттоодон өтүңүз.