Канжар Кадыралиевдин иши боюнча сот отуруму 22-июнга белгиленди

Бир нече беренелер менен айыпталып жаткан Канжар Кадыралиевдин иши боюнча сот отуруму 22-июнга белгиленди. Бул тууралуу бүгүн, 3-июнда Жогорку Соттун басма сөз кызматы билдирди.

Маалыматка караганда, ишти Бишкек шаарынын Октябрь райондук соту карайт.

Айта кетсек, Башкы прокуратура 2014-жылдын 30-сентябрында, 14-ноябрында жана 5-декабрында Канжар Кадыралиевге карата “бейбаштык”, “өзүм билемдик” жана “зомбулук көрсөтүү менен талап кылуу” беренелери боюнча кылмыш ишин козгоп, ээлеген кызматынан бошоткон. Андан соң Ош шаардык соту аны камакка алуу чечимин чыгарып, издөө жарыялаган. 2015-жылдын 26-мартында Кадыралиев Башкы прокуратурага өз эрки менен келген, андан кийин ден соолугуна байланыштуу ооруканага жаткырылганы белгилүү болгон.

Автор: Бекжан Рыскулов