Кечээки катуу шамал Алай районунда бир нече үйдүн чатырларын учуруп кетти

14-июнь күнү болгон катуу шамал Алай районунда бир нече үйдүн чатырларын учуруп кетти. Бул тууралуу Өзгөчө кырдаалдар министрлигинин маалымат кызматы билдирди.

Маалым болгондой, райондун Осоавиахим, Үч-Чат жана Миязды айылдарында катуу шамал катталып, анын кесепетинен айыл аймак боюнча 43 турак үйдүн чатырларынын шиферлерин шамал учуруп кеткен.

Ошондой эле Кара-Суу районундагы Кызыл-Кыштак айыл аймагындагы Сүрө-Таш айылында катуу шамал катталган. Шамалдын кесепетинен 20 турак үйдүн чатырларынын шиферлерин шамал учуруп кеткен. Шамалдын ылдамдыгы такталууда. Кошумча маалымат берилет.

Автор: Жамалидин Парманкулов