Баткенде сел жүрүп, Ош-Баткен-Исфана унаа жолунун 180-чакырымын бузуп кеткен

Баткен облусунун Баткен районундагы Кыштут айыл аймагында 14-июнда саат 19:00 чамасында сел жүргөн. Селдин кесепетинен Согмент айылында 4 турак үйдүн короолоруна сел суулары кирген. Бул тууралуу Өзгөчө кырдаалдар министрлиги кабарлады. Учурда Жарандык коргонуу комиссиясы иликтөө иштерин жүргүзүүдө.

Кадамжай районундагы Бирлик айыл аймагында ушул эле күнү 21:00 чамасында сел жүргөн. Селдин кесепетинен Чечме айылында, эски Ош-Баткен-Исфана унаа жолунун 180-чакырымындагы сел өтүүчү сайды 1-2 метр тереңдикте сел суулары оюп, бузуп кеткен. Азыркы учурда жол каттамы Чечме айылынын ичи менен айланып өтүүчү жол аркылуу жүрүп жатат.

Автор: Жамалидин Парманкулов