ЭЛДИК КАБАР: Абдумуктар Маматов Сузак районунун акими болуп шайланды

Сузак районунун акими болуп Абдумуктар Маматов шайланды. Бул тууралуу добуш берүүгө күбө болгон окурман 15-июнда Whatsapp аркылуу SUPER.KG порталына билдирди. Анын айтымында, 1-турда район башчылыгына жалпы 5 талапкер ат салышып, Эрмекбай Омошов менен Абдумуктар Маматов 2-турга өттү. Анын жыйынтыгында добуш берүүгө катышкан 335 депутаттын 168и Маматовго, ал эми 146 депутат өз добушун Омошовго берди.

Айта кетсек, райондун мурдагы акими Нурболот Мирзахмедов 25-майда өз каалоосу менен кызматтан кеткен.

Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.

Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.

Автор: Жамалидин Парманкулов