Мурда соттолгон Чүй облусунун тургуну "адам өлтүрүүгө аракет кылган" деп шектелүүдө

Мурда соттолгон Чүй облусунун тургуну, 40 жаштагы К.Ю. КРнын кылмыш-жаза кодексинин 28-97-беренеси (адам өлтүрүүгө аракет кылуу) боюнча кармалды. Бул тууралуу Чүй ОИИББинин басма сөз кызматы 15-июнда билдирди.
Маалыматка караганда, милицияга Кемин районундагы ооруканага бычактан жаракат алган 1992-жылы туулган Б.С. жана А.Т. аттуу жарандар келип түшкөнү тууралуу кабар келген. Факты боюнча тергөө амалдары жүргүзүлүп, кылмышка шектүү колго түшүрүлгөн. Иликтөө иштеринин натыйжасында жаракат алгандар менен кылмышка шектүүнүн ортосунда өз ара пикир келишпестик жаралып, анын эки балага бычак сайганы белгилүү болгон.

Автор: Айпери Ганыжан кызы