Ысык-Көл облусунда жааган кардан өлгөн малдын саны такталууда

Ысык-Көл облусунун Ак-Суу районундагы Эңилчек айыл аймагынын жайлоосунда 13-июнда калыңдыгы 50-60 сантиметр кар жаап, аба ырайы суук болгондугуна байланыштуу кой-эчкилер, бодо мал өлгөн. Өзгөчө кырдаалдар министрлиги Жарандык коргонуу комиссиясы 2 короо койду жеринен көрүп, андан 80 баш кой-эчки, 12 топоз жана 6 тай өлгөндүгүн аныкташканын 16-июнда билдирди. Жарандык коргонуу комиссиясынын тактоо-иликтөө иштери улантылууда. Андан сырткары жайлоого баруучу унаа жолго шагыл таштар, ылайлар түшүп, унаалар жүрүү үчүн жол жабылып калган. Ат менен жүрүүгө каттоо бар, тазалоо иштери улантылууда.

Мындан сырткары жайлоого баруучу жолдогу Сары-Жаз дарыясы аркылуу өтүүчү көпүрө суунун деңгээли көбөйүп, бузула баштаган.

15-июнда жолду тазалоо жана көпүрөнү калыбына келтирүү иштерине Ак-Суу райондук транспорт кызматы (ЖЭМ №11) тарабынан 1 бульдозер, Ниссан пикап унаасы, Түп райондук транспорт кызматынан (ЖЭМ №34) 1 жүктөгүч тартылып, жумуш аткарылып жатат. Жайлоодо кар эриген. Жергиликтүү бийлик тарабынан күйүүчү майлар бөлүнгөн. Андан сырткары ӨКМнын Ысык-Көл облустук башкармалыгы тарабынан 200 литр күйүүчү май берилди. Ал эми көпүрөнү оңдоого 30-40 даана габион торчосу жана күйүүчү май керектелет.

Автор: Жамалидин Парманкулов

14:03 16-06-2015

Жазылуу

РУБРИКАДАГЫ СОҢКУ КАБАРЛАР

15:33 2025-05-17 | Коом жана турмуш

Ала-Арча жаратылыш паркында үй-бүлөлүк майрам белгиленүүдө 47 0

15:20 2025-05-17 | Саясат

Садыр Жапаров Касым-Жомарт Токаевди туулган күнү менен куттуктады 58 0

15:06 2025-05-17 | Түркүн дүйнө

Трамп 1 миллион палестиналыкты Газадан Ливияга көчүрүүнү каалайт 165 0

14:31 2025-05-17 | Коом жана турмуш

Улуттук гвардиянын жаш жоокерлери ант беришти (сүрөттөр) 204 0

14:22 2025-05-17 | Коом жана турмуш

Түркестанда Ахмед Ясавинин мурасына арналган эл аралык симпозиум өттү 134 0

14:10 2025-05-17 | Түркүн дүйнө

АКШнын президенти Дональд Трамптын 11-небереси жарык дүйнөгө келди 428 0

Архив

Комментарийлер (3)

Ajar.

2015-06-16 14:25:02

Быйылкы жазда, жайда кырсыктар көп болду (кар көчкү, жер көчкү, сел, күтүүсүз жааган кар, катуу шамал). Жараткандын каарына калган өңдөнөбүз... Мындайда ата-бабалар Жаратканга жалынып, суранып, тиленип түлөө (тилөө) өткөрүшчү эле...
А тиги топоздор сууктан, кардан өлбөш керек эле да, алар суукка чыдамдуу, тоо башында жүрүшөт да дайым... Же тайгаланыштыбы, бирок андайга деле көнүшкөн да, мм...

BAYAW-KG

2015-06-16 15:34:52

Ajar., туура айтасыз... бодо мал да жб малдар да акыркы жылдары кырсыкка коп кабылышып жататго.

Ayka1994

2015-06-16 15:43:36

Жайдын кунундо кар жаады деген ди уксан ой деп ишенбей кетет экенсин )) . Дуйно жузу боюнча жаратылышта ар кандай кырсыктар коп катталып атат.Аларды коруп отуруп жакшылыкка болсунда деп калам.

Комментарий калтыруу үчүн өз ысымыңыз менен кириңиз же каттоодон өтүңүз.