Орус басылмасы Чеченстандагы "мыйзамдагы уурулардын" чогулушуна Азиз Батукаевдин барганын жазып чыкты

Орус ММКларынын бири 23-июнда укук коргоо органдарындагы ишенимдүү булактарына шилтеме берүү менен Чеченстандагы "мыйзамдагы уурулардын" чогулушуна Азиз Батукаевдин барганын жазып чыкты.
Анда Гудермесс районунда өткөн жолугушууну Азиз Батукаев уюштурганы айтылат. Ага 4 "мыйзамдагы ууру" барганын, алардын катарында криминалдык генерал Олег Шишканов (Шишкан) бар экени жазылган. Жолугушууда "уурулук бүлөсүндө" чечендердин катарын кеңейтүү, "мыйзамдагы ууру" Кахабер Парпалиянын тагдыры жана жакынкы айларда боло турган кезектеги жолугушууну уюштуруу талкууланган.

Айта кетсек, "мыйзамдагы ууру", 48 жаштагы Азиз Батукаевди 2013-жылдын 9-апрелинде Нарындагы №4-абактан кандын рак илдетине чалдыккандыгы тууралуу медициналык корутундуга таянып бошотушкан. Ошол эле күнү ал туугандары менен Грозныйга учуп кеткен. Бул факты боюнча депутаттык комиссия түзүлүп, тергөө амалдары жүргүзүлгөн.

“А.Батукаевдин бошотулушуна тиешеси бар” делинген саламаттыкты сактоо министри Динара Сагынбаева, ИИМдин башчысы Абдулда Суранчиев, Мамлекеттик каттоо кызматынын башчысы Эрлан Сапарбаевди жоопкерчиликке тартууну аталган комиссия сунуштаган.

Азиз Батукаевдин бошотулушу боюнча коомчулукта кызуу талкуу жүрүп, күнөөлүүлөр изделип жаткан кезде ошол учурдагы КРнын Вице-премьер-министри Шамиль Атаханов өз каалоосу менен арыз жазып, отставкага кеткен. Ушул эле окуяга катыштыгы бар деп айтылып жаткан акыйкатчы Турсунбек Акун боюнча ЖК өткөн жылы 27-июнда токтом кабыл алып, ал кызматынан четтетилген. 2014-жылдын 23-майында Азиз Батукаевге издөө жарыяланган.

2014-жылы 24-сентябрда Грозный шаарындагы Ленин райондук соту тарабынан Батукаев 3 жылга эркинен ажыратылган. Аны Кыргыз Республикасына өткөрүп берүү өтүнүчү Орусияга жиберилген. Орусиянын Башкы прокуратурасы Азиз Батукаев Орусияда жазасын өтөгөндөн кийин аны Кыргыз Республикасына өткөрүп берүү маселеси караларын билдирген.

Автор: Айпери Ганыжан кызы

12:58 23-06-2015

Жазылуу

РУБРИКАДАГЫ СОҢКУ КАБАРЛАР

17:14 2025-05-17 | Түркүн дүйнө

Ирак Газа менен Ливанды калыбына келтирүүгө каражат бөлөт 147 0

16:24 2025-05-17 | Коом жана турмуш

Парижде Садык Шер-Нияз кыргыз акындары менен тамашалуу айтыш курду (видео) 438 0

16:06 2025-05-17 | Коом жана турмуш

Салыкчыларга ата мекендик унаалар тапшырылды 332 0

15:33 2025-05-17 | Коом жана турмуш

Ала-Арча жаратылыш паркында үй-бүлөлүк майрам белгиленүүдө 422 0

15:20 2025-05-17 | Саясат

Садыр Жапаров Касым-Жомарт Токаевди туулган күнү менен куттуктады 298 0

15:06 2025-05-17 | Түркүн дүйнө

Трамп 1 миллион палестиналыкты Газадан Ливияга көчүрүүнү каалайт 620 0

Архив

Комментарийлер (5)

bazarkyl

2015-06-23 13:16:34

Мен тан калам, бир мамлекет экинчи мамлекетке закондогу ууруну которуп алуу боюнча суйлошуу журобу деп!?

Kairatmyn

2015-06-23 13:22:02

Мен башында эле ишенбегем. Мындайча айтканда биздин эшеке минер Салянова, Оторбаев, Президент ИИМ, УКМК бизди алдаган. Себеби Батукаев Кыргызстандан кеткенден бери камалган эмес. Эшеке минерлер, бизди кайра кайра чукуй бербесин деп аны камалды деп элди алдап ишти ошол менен жапты жапты кылабыз деген. Аты аталган паракорлорго, суткорлорго, коррупциянерлерге айтарым. Мына кандай амал дапсанарда АРКАНАР ЖАЛЛЖАЙЫП ачылып калдыго. Калын элди алдагандан коро олуп эле албайсынарбы!!!!!!!

+15

asilkg

2015-06-23 14:55:17

Биздин чиновниктерге кандай жаман соз ойлоп тапсам экен бирок булар баардыгын которот намыс деген жок да.

ENGELSA

2015-06-23 15:31:25

Акчан болсо калтанда. Эшекминерлердин оозуна шакаль салып. Болушунча талтанда!!!!!!!!!!!!!!!!!

Dadin2

2015-06-23 16:48:52

Азиз Россияда турмодо олтурат деп жатпады беле моонотун бутуп чыккандан кийин кыргызстанга алынып келинет деп, турмодон чыгыптыр ал тургай той берип башка ворлорду чакырыптыр эми той устунон кармап кыргызстанга алып келгиле созунорго туруп, кана ГКНБ,МВД,Прокуратура кыйындары кучунорду бир корсоткулочу иш жузундо коройлу чындап эле криминал менен курошконунорду.

Комментарий калтыруу үчүн өз ысымыңыз менен кириңиз же каттоодон өтүңүз.