Чүйдөгү жол кырсыгынан каза болгондордун аты-жөнү такталды

Чүй облусунун Жайыл районундагы Федоровка айылында 27-июнда жол кырсыгына кабылып каза болгондордун аты-жөнү такталды. Бул тууралуу ӨКМнын басма сөз кызматы 28-июнда билдирди.

Белгилүү болгондой, Гольф-3 унаасын айдап бара жаткан айдоочу рулду башкара албай даракты сүзүп алган. Анын кесепетинен 3 адам каза болуп, 2 адам оор жаракаты менен райондук ооруканага жеткирилген.

Жол кырсыгынан каза болгондор жана жаракат алгандар:

1. Эрлан Тоялиев, 1991-жылы туулган, айдоочу;

2. Аскер уулу Курманкул, 1991-жылы туулган;

3. "Тез жардам" аркылуу ооруканага бара жатып жолдо каза болгон дагы бир жүргүнчүнүн аты-жөнү такталууда;

4. Ырыс Тургунбаев, 1991-жылы туулган, оор жаракат алып, Жайыл райондук жандандыруу бөлүмүнө жеткирилген;

5. Тилек Сартбаев, 1992-жылы туулган, оор жаракат алып, Жайыл райондук жандандыруу бөлүмүнө жеткирилген.

Жарандардын жансыз денелери куткаруучулар тарабынан чыгарылган.

Автор: Айпери Ганыжан кызы