Жаш куткаруучулар Минсктеги Эл аралык олимпиадада жакшы жыйынтык көрсөтүштү

Кыргыз мамлекетинин окуучулары Беларуста өткөн Эл аралык олимпиадада жакшы көрсөткүчтөргө ээ болушту. Бул тууралуу бүгүн, 16-июлда Билим берүү жана илим министрлигинин басма сөз кызматынан билдиришти. Маалым болгондой, Минск шаарында “Өрт өчүрүү эстафетасы” аттуу Эл аралык олимпиада Европа жана Азия мамлекеттеринин окуучуларынын арасында өтүүдө. "Олимпиаданын сынактарынын бири “Жаш куткаруучулар-өрт өчүргүчтөр” 5 баскычтан турат. Баскычтарды катышуучулар 1-2 мүнөттө өтүүлөрү зарыл болчу. Кыргыз мамлекетинин окуучулары аталган аралыкты 1 мүнөт 23 секундада чуркап өтүп, жеңүүчүдөн 15 секунда гана артта калышкан",- деп билдирет министрлик.

Автор: Наргиза Бекжанова