"Ата Мекен" бардык саясий партияларды “Таза шайлоо үчүн" макулдашуусуна кол коюуга чакырып, кайрылуу жасады

"Ата Мекен" социалисттик партиясы “Таза шайлоо үчүн" макулдашуусуна кол коюу чакырыгы менен бардык саясий күчтөргө кайрылуу жасады. “Ата Мекен” бардык саясий күчтөрдү демократиялык шайлоолордун принциптерине жана нормаларына таянып, элибиздин кызыкчылыгын баарынан бийик коюп, Кыргыз Республикасынын Конституциясын, “Кыргыз Республикасынын Президентин жана Жогорку Кеңештин депутаттарын шайлоо жөнүндө” конституциялык мыйзамды, Кыргыз Республикасынын мыйзамдарын жетекчиликке алып, “Таза шайлоо үчүн" макулдашуусуна кол коюуга чакырат.

2015-жылдын жылдын 6-августунда саат 12:00дө "Park Hotel" мейманканасынын чоң залына саясий партиялардын жетекчилери чогулуп, төмөндөгүлөрдү камтыган макулдашууга кол коюуну сунуштайбыз.

"10 принцип": 

1. Шайлоо өнөктүктөрүн өткөрүүдө демократиялык шайлоолордун принциптерин жана нормаларын сактоо;

2. Шайлоо процессинин бардык катышуучуларын сыйлоо менен шайлоону ачык-айкындуулук принциптеринин негизинде эркин, адилет жана калыс өткөрүүнү жөнгө салуу;

3. Кыргыз Республикасын өнүктүрүүнүн артыкчылыктарын жетекчиликке алып, экономикалык туруктуулукту жана жашоочулардын саясий, топ ичиндеги, ошондой эле жеке кызыкчылыктарынын коопсуздугун камсыз кылуу;

4. Шайлоо өнөктүктөрүнүн жүрүшүндө улуттук, диний жана социалдык араздашуулардын, экстремизм жана ксенофобиянын келип чыгуусун шарттаган технология жана ыкмаларды болтурбоо жана ага каршы туруу;

5. Саясий партиялардын жана шайлоо процесстеринин башка катышуучуларынын дарегине карата такталбаган жана жалган маалыматтарды таратууга, укуктук жактан туура эмес технологияларды колдонууга жол бербөө;

6. Ар бир шайлоочунун шайлоо эркиндигине болгон укугун сыйлап, коркутуу жолу менен шайлоочунун тандоосуна шек келтирип, кысым көрсөтпөө:

7. Шайлоо учурундагы талаштарды Кыргыз Республикасынын мыйзамдарын сактап, укуктук талаада чечүү;

8. Шайлоо комиссияларына басым көрсөтүүдөн баш тартуу;

9. Шайлоо чөлкөмдөрүндө жана аймактык шайлоо комиссияларында кесипкөй байкоочуларды даярдоону камсыз кылуу;

10. Шайлоо өнөктүгүнүн бардык этаптарында жалпыга маалымдоо каражаттарынын, коммерциялык эмес жана башка уюмдардын өкүлдөрүнүн катышуусу менен тыкан коомдук көзөмөлдөөнү ишке ашырууну камсыз кылуу.

Долбоордун координатору :

Асия Сасыкбаева, Жогорку Кеңештин вице-спикери, "Ата Мекен" фракциясы.

Жооптуу катчысы:

Калыс Боронбаев, телефон номери: (0559) 77-55-26.

 



кошулду
РУБРИКАДАГЫ СОҢКУ КАБАРЛАР
Архив
Комментарийлер (7)
BiTiSHKa
2015-07-27 13:40:39
Ата Мекен абдан туура кадам жасоодо. Анткени партиялардын, саясий кучтордун кузгу шайлоодогу ынтымагы-бул Кыргызстандагы тынчтыктын кепилдиги болуп калат. Азыркы ааламдык саясий оор кырдаалда чакан Кыргызстан учун тынчтык жана туруктуулктан ашкан байлык жок. Кеп кезеги калган партиядарда.
+2
ertur
2015-07-27 13:51:03
Ата-Мекен туура кадам жасоодо, бирок копчулук ушул туура кадамды колдоор бекен же акчага алданып дагы деле шоопур менен жансакчыга мамлекетти башкартар бекен
0
ertur
2015-07-27 15:35:00
Чындыгында Ата-Мекендин позициясы абдан адилеттуу болуп жатат башкача айтканда шайлоо алдынан "эркекче суй"
-2
aslan_akjol89
2015-07-28 09:15:55
Ата мекен что то коп голос аларына козу жетип калып коркуп жаткандагысы го.
-1
Alexus
2015-07-28 09:49:40
Ата мекенби апа мекенби ата журтунбу кайни журтунбу шайлоого эл учун эмес бийлик учун келатышканы окунучту.бийлике келгенде эл учун деп иштесен камаласын ошондуктанда
+2
joni.joni
2015-07-28 15:50:02
он биринчи принцип:менин партияма добуш бер деп сыртта туруп алып адамдарга 200 сомдон 1500 сомго чейин акча таратканды же болбосо 100граммдан арак куйганды токтотойлу.
+3
salmanbet
2015-07-28 17:43:31
Ата мекен учун биздин уйбулонун атынан 13добуш
-2
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА
Суперстан