ЭЛДИК КАБАР: "Дайынсыз жоголгон жоокерди издеп, бирок таба албай койдук" деди окурман

Кыргыз-тажик чек арасындагы "Кара-Мык" тозотунда кызмат өтөп жаткан жеринен дайынсыз болуп жаткан жоокерди Чоң-Алай районундагы Кара-Тейит айылынын жашоочулары издеп, бирок таппай келишти. Бул тууралуу издөөгө катышкан окурман SUPER.KG'ге 26-августта Whatsapp аркылуу кабарлады.

"50дөй тургун жоокерди Бок-Башы ашуусунан издеп, бирок таба албай келдик. Бүгүн да издөө иши улантылат",- деди ал.

Айта кетсек, ал жоокер 23-августта кыргыз-тажик чек арасынын "Кара-Мык" тозотунда кызмат өтөп жаткан жеринен дайынсыз жоголгон. Белгилүү болгондой, жоокер 2014-жылы сентябрь айында кызматка чакырылган, бир айдан кийин кызмат өтөө мөөнөтү аяктамак.

Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.

Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.

Автор: Жамалидин Парманкулов