Нарын облусунун үч тургуну адам өлтүрүүгө шектелип кармалды

Нарын облусунун үч тургуну адам өлтүрүүгө шектелип кармалды. Бул тууралуу 4-сентябрда Чүй облустук ички иштер башкы башкармалыгынан билдиришти.

Маалым болгондой, Нарын облусунун 28 жаштагы Т.Назгүл аттуу тургуну 15-августта Ысык-Ата райондук Ички иштер башкармалыгына кайрылып, 13-август күнү 1989-жылы туулган иниси Т.Рустам болжол менен саат 21:30 чамасында үйүнөн чыгып кеткен бойдон кайрылып келбегенин билдирген. Издөө иштеринин натыйжасында Т.Рустамдын дайынсыз болушуна шектелип 1974-жылы туулган Ж.Автандил, 1980-жылы туулган Т.Талантбек жана С.Болот аттуу Нарын облусунун үч тургуну кармалды. Алардын бири Аламүдүн районунан, экөөсү Кочкор районунан кармалып, милицияга жеткирилди.

Суракка алуу учурунда белгилүү болгондой, алар Рустамды ошол күнү колу-бутун байлап Ауди-100 үлгүсүндөгү унаасына салып алып Токмок шаарынан Кочкор районуна жөнөшкөн. Кубакы ашуусуна жеткенде аны унаадан түшүрүп, 2-3 чакырым алыстыкка алып барышкан. Талантбек жана Болот Рустам менен Автандилди калтырып коюп, унааны көздөй баса беришкен. Автандил мас абалында болуп, экөө бир пикирге келе албагандыктан, Автандил анын башына таш менен бир нече жолу урган. Жыйынтыгында Рустам ошол жерден каза болгон. Кылмышка шектүүлөр окуя болгон жерден качып кетишкен. Тергөө тобу аталган жайга барып, каза болгон Рустамдын жансыз денесин колу-буту байланган абалда табышкан.

Ысык-Ата райондук ички иштер башкармалыгынын тергөө бөлүмү тарабынан аларга карата кылмыш иши козголуп, камакка алынышты.

Автор: Жамалидин Парманкулов

14:39 04-09-2015

Жазылуу

РУБРИКАДАГЫ СОҢКУ КАБАРЛАР

02:15 2025-05-18 | Коом жана турмуш

Бишкектин борбордук аянттындагы желек айрылды (видео) 170 0

20:31 2025-05-17 | Түркүн дүйнө

Эрдоган Макрондун манжасын бир топко чейин коё бербей койгон видео тарады (видео) 2795 0

20:30 2025-05-17 | Түркүн дүйнө

Түштүк Кореядагы заводдо ири өрт чыкты (видео) 686 0

18:40 2025-05-17 | Түркүн дүйнө

АКШ түрмөсүнөн 10 туткун качып чыккан (видео) 1591 0

17:14 2025-05-17 | Түркүн дүйнө

Ирак Газа менен Ливанды калыбына келтирүүгө каражат бөлөт 1072 0

16:24 2025-05-17 | Коом жана турмуш

Парижде Садык Шер-Нияз кыргыз акындары менен тамашалуу айтыш курду (видео) 1559 0

Архив

Комментарийлер (2)

deva

2015-09-04 14:51:38

Жашабагырлар!

Nendi15

2015-09-04 18:18:20

Акыркы убакта адам олтуруу тоок сойгондой эле болуп калдыбы??? Канчалык ачуусу келгенде деле адам кичине озун кармап, эртенки кунун ойлош керек да...Кантип бироону сабаганы, кыйнаганы, зордуктаганы, олтургону колдору барат...Жабырлануучу алдында кыйналып,жалдырап жатканын кантип чыдап карап туруп кайра зыян келтиришет? Эч тушунбойсун.Деги адамдар кайда баратабыз? Ар куну жанылыктарды окуганда журогун ооруйт.Жакшы кабар укпай калдыкго...

Комментарий калтыруу үчүн өз ысымыңыз менен кириңиз же каттоодон өтүңүз.