Чек арадан жасалма документ менен өтмөкчү болгон казак жараны кармалып, УКМКга берилди

Кыргыз-казак мамлекеттик чек арасынын "Ак-Тилек унаа жолу" өткөрүү бекетинен жасалма документ менен өтмөкчү болгон казак жараны кармалды. Бул тууралуу бүгүн, 7-сентябрда Мамлекеттик чек ара кызматынан билдиришти. Кармалган жаран Казакстандан чыгып, жасалма паспорт менен Кыргыз Республикасына кирмекчи болгон. "Тийиштүү документтер түзүлгөндөн кийин кармалган жаран Улуттук коопсуздук мамлекеттик комитетинин аймактык бөлүмүнүн кызматкерлерине өткөрүлүп берилди",- деп айтылат маалыматта.

Автор: Автандил Добулбеков