Кемин районунда мал уурулукка шектелип 17-18 жаштагы балдар кармалышты

Кемин районунда мал уурулукка шектелип 6 адам кармалды. Бул тууралуу 9-сентябрда ИИМдин басма сөз кызматы билдирди.

Маалыматка караганда, аталган райондун 39 жаштагы тургуну А.Н. кайрылып, 19-апрелде белгисиз адамдар үч коюн уурдап кетишкенин билдирген. Ушундай эле арыз менен Ак-Түз айылынын 45 жаштагы тургуну С.Р.кайрылган. Мындан сырткары Жаңы-Жол айылынын тургуну, 56 жаштагы У.Ж. 4 кою уурдалганын айтса, Кичи-Кемин айылынын жашоочусу С.М. эки торпогун белгисиз адамдар уурдап кетишкенин маалымдаган. Факты боюнча кылмыш иши козголуп, шектүү катары 17-18 жаштагы 5 адам жана 32 жаштагы жаран кармалды.

Автор: Айпери Ганыжан кызы