Кыргыз-өзбек чек арасынан мыйзамсыз өтүүгө аракет жасаган жаран кармалды

16-сентябрда Жалал-Абад облусунун Аксы районунун Мамай айылында "Ала-Бука" чек ара отрядынын чек арачылары мамлекеттик чек араны бузган жаранды кармашты. Бул тууралуу Чек ара кызматынан билдиришти.

Маалым болгондой, ал Кыргыз Республикасынын аймагынан Өзбекстанга өткөрүү жайынан тышкары жерден кыргыз-өзбек мамлекеттик чек арасын кесип өтүүгө аракет кылган. Анын жанында өздүгүн тастыктаган документтери болгон эмес.

Тиешелүү документтер толтурулуп, кармалган жаран УКМКнын аймактык бөлүмдөрүнүн кызматкерлерине өткөрүлүп берилди.

Автор: Жамалидин Парманкулов