Бишкекте "Хизбут-Тахрир" диний-экстремисттик уюмунун 2 лидери жана 3 активдүү мүчөсү кармалды

Бишкекте "Хизбут-Тахрир" диний-экстремисттик уюмунун 2 лидери жана 3 активдүү мүчөсү кармалды. Бул тууралуу 18-сентябрда Бишкек ШИИББинин маалымат кызматынан билдиришти.
Маалым болгондой, алар 17-сентябрда Бишкекте жүргүзүлгөн "Антитеррор" деп аталган ыкчам иликтөөнүн жүрүшүндө кармалып, жашаган үйлөрү текшерүүгө алынганда "Хизбут-Тахрир" диний-экстремисттик уюмуна тийиштүү болгон жалпы 53 материал табылды. Үй ичинен 2 ноутбук, 1 планшет, 1 системдик блок, 15 китеп, 13 диск жана китепчелер табылып, бул боюнча теологиялык экспертиза дайындалып, Кылмыш-жаза кодексине ылайык чаралар көрүлө баштады.

Автор: Жамалидин Парманкулов