Полтавка айылындагы көлмөгө чөгүп кеткен жигиттин жансыз денеси табылды

Чүй облусунун Жайыл районундагы Полтавка айылындагы көлмөгө чөгүп кеткен 25 жаштагы жигиттин жансыз денеси табылды. Бул тууралуу бүгүн, 21-сентябрда ӨКМнын басма сөз кызматы билдирди.

Маалыматка ылайык, Р.Б. аттуу жигит 20-сентябрда саат 10:40 чамасында аталган айылдагы көлмөгө чөгүп кеткен. Өзгөчө кырдаалдар министрлигинин №22-Аскерлештирилген өрт-куткаруу бөлүгүнүн куткаруучулары аны издөө иштерин жүргүзүшүп, анын натыйжасында табылган жансыз денени милиция кызматкерлерине өткөрүп беришкен. Учурда эмне себептен көлмөгө чөгүп кеткени тергелүүдө.

Автор: Нургазы Аматов