Жалал-Абадда жаран жасалма диплом менен иштеп жүргөнүн жашырыш үчүн милиционерге 20 миң сом пара сунуштаган жеринен кармалды

Жалал-Абад облусунун Ноокен районунун Арал айылындагы №68-кесиптик лицейинде 5 жылдан бери жасалма диплом менен иштеп жүргөн жаран мыйзамсыз ишин жашыруу үчүн милиция кызматкерлерине пара берип жаткан жеринен кармалды. Бул тууралуу бүгүн, 22-сентябрда Жалал-Абад ОИИБинин басма сөз кызматы билдирди.

Маалыматка ылайык, аталган окуу жайда 2010-жылдан бери адис болуп иштеп жаткан жаранды текшерүү учурунда буга чейин жасалма диплом менен жумушка орношуп, мамлекет тарабынан айлык акы алып, мыйзамсыз иштеп жүргөнү аныкталган.

Бул кылмыш ишин иликтөө учурунда ал жарандын 2010-жылы Ош мамлекеттик университетин тарых адистиги боюна аяктаганы тууралуу диплому жасалма экени тастыкталып, андан соң кылмышка шектүү жаран өз күнөөсүн моюнуна алып, өзүнүн мыйзамсыз ишин жашыруу максатында милиция кызматкерине пара катары акча каражатын сунуштаган. Бул иш боюнча милиция кызматкерлеринен оперативдүү топ түзүлүп, жасалма дипломдун ээси 20 000 сом пара сунуштап жаткан жеринен 18-сентябрь күнү күбөлөрдүн катышуусу менен кармалган.

Учурда аталган факт боюнча "пара берүү" жана "документтерди, мамлекеттик сыйлыктарды, штамптарды, мөөрлөрдү, бланктарды колго жасоо, даярдоо, сатуу же алардын жасалмаларын пайдалануу" беренелеринин негизинде кылмыш иши козголуп, айыпталуучу соттун чечими менен үй камагына отургузулду. Бул фактылар боюнча тергөө амалдары жүргүзүлүп жатат.

Автор: Нургазы Аматов

11:22 22-09-2015

Жазылуу

РУБРИКАДАГЫ СОҢКУ КАБАРЛАР

02:15 2025-05-18 | Коом жана турмуш

Бишкектин борбордук аянттындагы желек айрылды (видео) 305 0

20:31 2025-05-17 | Түркүн дүйнө

Эрдоган Макрондун манжасын бир топко чейин коё бербей койгон видео тарады (видео) 2877 0

20:30 2025-05-17 | Түркүн дүйнө

Түштүк Кореядагы заводдо ири өрт чыкты (видео) 738 0

18:40 2025-05-17 | Түркүн дүйнө

АКШ түрмөсүнөн 10 туткун качып чыккан (видео) 1662 0

17:14 2025-05-17 | Түркүн дүйнө

Ирак Газа менен Ливанды калыбына келтирүүгө каражат бөлөт 1104 0

16:24 2025-05-17 | Коом жана турмуш

Парижде Садык Шер-Нияз кыргыз акындары менен тамашалуу айтыш курду (видео) 1616 0

Архив

Комментарийлер (1)

Ayida

2015-09-22 12:13:00

Чындап окуп диплом алып иштей албагандар же иштебегендер толтура.Эми бул байкуш кезинде окуганга шарты жок болуп калгандыр.Башы иштеген учун иштеп атат.Айлык коп болсо 8000 же 10.000 алаттыр.Кыргызстан да андан жогору кучтуу айлык деле жок.Эми бул адамга тийишпей эле койушпайбы.Андан коро кылмыш кылгандарды кармасын.Чондор деле журбойбу окуду деп диплом алып чет элден.Ким текшерип атат.

Комментарий калтыруу үчүн өз ысымыңыз менен кириңиз же каттоодон өтүңүз.