Жумгалда ур-токмоктон улам каза тапкан Эркинбектин классташтары: “11-класстын окуучулары “жүрөгүм ооруп жатат” десе да болбой сабашты”

19-сентябрда Нарын облусунун Жумгал районунун Көк-Ой айылындагы Турусбек уулу Султан атындагы орто мектебинде 9-класстын окуучусу Жекшенбек уулу Эркинбек 11-класстагы окуучулар тарабынан ур-токмокко алынып каза тапкан. Маалыматтарга караганда, танапис маалында 11-класстын окуучусу Жайылбек Таалайбеков аны жүрөк тушка катуу уруп салган. Жыйынтыгында эсин жоготкон Эркинбек ооруканага жеткирилген. Бирок окуучу өзүнө келе албай оорукананын жандандыруу бөлүмүндө көз жумган.

Интернетте жабырлануучунун классташтарынын бул окуянын чоо-жайын айтып, түшүндүрүп жаткан видеосу тарады. Анда төмөнкү сөздөр айтылат:

Окуучу: - Биз киргенде эле 11-класстын окуучулары "колуңарды артка алгыла" дешти. Биз албай жаттык. Колду артка алганыбызда, баарыбызды төшкө чапкылады. Өзөрүп отуруп калдым. Биртике чыдадым. Анан тур деди. 1 мүнөткө жетпей бул жанымдагы бала “Менин төшүм ооруйт, чаппагылачы. Чаппай коё тургулачы” деп жалдырады.

Жанындагы окуучу: - Жалдырадым. Эркинбек тизелеп отуруп калды. Жайылбек кармап, эс алдырып жаткан. Анан тиги да коркуп кетип коё бергенде бети менен астыга түшүп калып жатпайбы.

Ата-энелердин бири: - Чапкандан кийин болуп жатат да, ээ?

Окуучу: - Аны чапканда дубалга сүрүлүп келди. Андан мурун отуруп калган, ичин кармап. Ошондо тургузбай койсо да аман калмак беле. Отуруп калганда “Тур арамзаланбай, тур!” деп бир нече жолу айтты.

Дагы бир окуучу сөзгө кошулду: - Биринчи чапканда ошенткен. Анан аны экинчи ирет чабарда Эркинбек “мени чаппай эле койгулачы, жүрөгүм ооруп жатат” деп айткан. Буга карабастан Жайылбек “Арамзаланбай тур!” деп аны ошол жерден чапты.

(Ушул жерден окуучулар ыйлап жиберишти. Ата-энелер да кейип жатышты)

Эркинбектин апасы: - Ай, мыкаачылар, ай, эмнеге баламды өлтүрөт, ай?! Баламды жанчып жатса эмнеге карап коюшпайт, ыя?!

Орто жаштагы адам: - Керек болсо кыздар аяйт экен. Мына айтып отурат. “Биз жашырсак, балдарыбызды кайра сабайт” дейт.

Кыздар жарыша сүйлөп башташты: - Эркинбек 2-3 күндөн бери сыртка чыкпай жаткан болчу. Эрте келип, кеч кетип жаткан. Мектепте танапис учурунда да сыртка чыкчу эмес. “Айтпагыла, эжелерге да айтпагыла, 11-класстагылар сабайт бизди” деп. Ошол эле күнү “салык” да салышыптыр. "Эшикке чыккым келбей жатат, баскым келбей жатат" деп айткан болчу мага. Биз баарыбыз эшикке чыгып кеткенде, 11-класстын балдары келип алып кетишиптир.

Белгисиз бирөө: - Көптөн бери сабачу беле?

Кыздар: - Жыл сайын эле кайталана берчү. "Дастан деген бала сол жак колума тээп салды, чыгарып салды" деп ыйлап келген болчу... 19-сентябрда болсо ошентип өлүп калды. Балдарды дүкөнгө жиберип, арак жана сыра алдырып жатышкан.

Эркинбектин апасы: - Башка балдарымды жибербейм мектепке, менин балдарымды өлтүрүп... (ушул жерден видео токтогон)

Айта кетсек, учурда бул факт боюнча Жумгал райондук жана Нарын облустук ички иштер башкармалыгы тергөө иштерин жүргүзүүдө.

Жумгалдагы 9-класстын окуучусунун өлүмү

Автор: Максат Кудайбердиев

13:01 23-09-2015

Жазылуу

РУБРИКАДАГЫ СОҢКУ КАБАРЛАР

02:15 2025-05-18 | Коом жана турмуш

Бишкектин борбордук аянттындагы желек айрылды (видео) 613 0

20:31 2025-05-17 | Түркүн дүйнө

Эрдоган Макрондун манжасын бир топко чейин коё бербей койгон видео тарады (видео) 3040 0

20:30 2025-05-17 | Түркүн дүйнө

Түштүк Кореядагы заводдо ири өрт чыкты (видео) 808 0

18:40 2025-05-17 | Түркүн дүйнө

АКШ түрмөсүнөн 10 туткун качып чыккан (видео) 1762 0

17:14 2025-05-17 | Түркүн дүйнө

Ирак Газа менен Ливанды калыбына келтирүүгө каражат бөлөт 1152 0

16:24 2025-05-17 | Коом жана турмуш

Парижде Садык Шер-Нияз кыргыз акындары менен тамашалуу айтыш курду (видео) 1685 0

Архив

Комментарийлер (29)

Love1234

2015-09-23 14:07:35

Мындай корунуш баардык мектепте бар салык салуу акча талап кылуу мугалимдер текшербейт мисалы еле мен окууган карла маркста бар

aktivist0707

2015-09-23 14:07:57

ошо урган баланы ХХХ ХХХ ХХХ...

admin_portal

2015-09-23 14:15:58

aktivist0707 - эскертүү!
Провокация жарата турган билдирүүлөрдү жазууга тыюу салынат.

aihan77

2015-09-23 14:15:36

Оздорун герой сезген балдарга сабак болсун ушул! Акыры барып турмого тыгыларын билишсин кыйын боло беришсе! Ошону кормок!

munar_85

2015-09-23 14:49:19

саламатсынар бул нерсе баардык еле мектептерде барда орусча айтканда дедовщина деп койушуп еле билгендерин кылып жатпайбы бул жерде мугалимдердин боштугу деп есептейм

modem4999

2015-09-23 14:55:31

Соттош керек жоопту адамдардын барын.Ак койнок кийип келбейсин деп маданият министри туртуп эле ийиптир деп атышпады беле.Каза болгон баланын атасы жок болсо энеси ыйлап ыйлап кала берет го.Бизде таанышын болсо ишти биртке созуп туруп жаап коюшат эмеспи.Апасына кудай кайрат берсин!

Zara_KARA-KULJA

2015-09-23 14:56:03

Коруп ыйлагын келет экен. Катуу жаза колдонуш керек. Мектептин директор агай эжекелерине чейин жаза бериш керек. Участковый дагы жазага тартылыш керек.

bayana1987

2015-09-23 15:13:18

Эгер ушул СССР убагында болгондо мугалимдер жамааты, РайОНО баары кызматтан кетет эле. Кудай Эркинбектин жанын бейиште кылсын. Апасына кайрат берсин.

Kanatbek.amirov

2015-09-23 15:29:49

Эки жашабай эле адам олтурушту баштаган болсо бул балдар чонойсо кандай гана иштерди жасашпайт

sterva

2015-09-23 15:40:02

Биз мектепте окуган кезде деле классташ балдарга налог салышчу чон класстагылар.Бирок эч качан олум болгонмес.Азыркылар башкача чоноюп жатышат

kilim

2015-09-23 15:49:40

биринчи мугалимдерди екинчи ошол айылда учстковый болуш керек ошоеу анан ата енелерди жазага тартыш керек мектепте кантол жок бул корунуш азыркы учурда баардык мектептерде бар

saulet2009

2015-09-23 15:51:46

Азыркы заманда бироонун баласы бироого баш ийет беле,балдарды уйдон эле окутабыз эми.

asman88

2015-09-23 16:28:15

Ыйлап жибердим.Мектепке балдарды мушташсын деп жиберишпейт го.Тарбиянын, билимдин очогу болгон мектепте ушундай болсо,башка жакта эмне болот?Мугалимдердин шалаакылыгы,тобу менен кетириш керек.Бир дагы мугалим билген эмеспи ушундай налогдор салынып турганын?

nura.177

2015-09-24 01:43:58

asman88, мугалимдердин,ата энесинин ,жашап жаткан коомдун,мамлекеттин куноосу бар. Бул нерсеге каттуу козомол болбосо келечеги жаман болотко. Азыркы балдарга милиция, ата эне,мугалимдер бирге киришип тарбия бербесе болбой калдыго. Отто окунучтуу окуя,сабыр,сабыр ата энесине. Жазасын алышсын балдар

AnarRazakovich

2015-09-23 18:41:34

ХХХ ХХХ ХХХ... Эч качан жакшы адам болуп чонойбойт, ХХХ ХХХ...

admin_portal

2015-09-23 18:43:11

AnarRazakovich - эскертүү!
Провокация жарата турган билдирүүлөрдү жазууга тыюу салынат.

nurzada78

2015-09-24 01:40:46

Аттин,коруп алып,журогум эзилди!

kalbek87

2015-09-24 18:50:26

укук коргоо органдары катуу иш алып барбаса боллбойт, мектептерден кабар алып да койбойт азыркылар

Комментарий калтыруу үчүн өз ысымыңыз менен кириңиз же каттоодон өтүңүз.