Бөтөн паспорт менен Түркияга кетүүгө камынып жаткан аял кармалды

Башка жарандын паспорту менен Түркияга учуп кетүүгө камынып жаткан 46 жаштагы аял кармалды. Бул тууралуу Мамлекеттик чек ара кызматынан билдиришти.

Маалым болгондой, бүгүн, 23-сентябрда "Манас" аэропортунан 46 жаштагы аял башка жарандын паспорту менен Бишкек-Стамбул каттамы аркылуу Түркияга учуп кетүүгө камынып жаткан жеринен колго түшкөн.

Ошондой эле 22-сентябрда 15 жаштагы өспүрүм бала башка бирөөнүн туулгандыгы тууралуу күбөлүгү менен кыргыз-казак чек арасындагы “Чалдыбар-унаа жол” көзөмөл-өткөрүү жайынан өтүп жатып кармалды. Кармалган жаран Кыргыз Республикасынын аймагынан Казакстанга өтүүнү көздөгөн.

Чек арачылар аталган фактылар боюнча тиешелүү документтерди толтуруп, андан кийин аларды укук коргоо кызматкерлерине өткөрүп беришти.

Автор: Жамалидин Парманкулов