Токмокто экстремисттик мүнөздөгү видеосабактар сакталган "Хаммер" үлгүсүндөгү телефондун ээси кармалды

Токмок шаарында "Нелегал" аталышында рейд жүргүзүлүп, 47 жаштагы Д.Н. аттуу жаран кармалды. Бул тууралуу бүгүн, 25-сентябрда Чүй ОИИББинин басма сөз кызматы жарыялады.

Маалыматка ылайык, текшерүүнүн жүрүшүндө кармалган жарандын оң чөнтөгүнөн "Хаммер" үлгүсүндөгү уюлдук телефон табылган. Анын ичинде экстремисттик мүнөздөгү видеосабактар болгон. Бул факт райондук милицияда катталып, тиешелүү материалдар Токмок шаардык прокуратурасына жөнөтүлдү. Тергөө амалдары уланууда.

Автор: Нургазы Аматов