Жалал-Абадда жеңил унаа менен күйүүчү май ташуучу унаанын кагылышынан 2 адам каза тапты

Жалал-Абад облусунун Сузак районуна караштуу Түрк-Абад айылында жол кырсыгы катталды. Бул тууралуу 3-октябрда ӨКМнын басма сөз кызматы билдирди.

Маалыматка караганда, Бишкек-Ош жолунун 576-чакырымында Гольф-3 үлгүсүндөгү унаа күйүүчү май ташуучу унаа менен бетме-бет кагылышып кеткен. Кырсыктан Гольф-3 автоунаасынын ичиндеги 2 адам каза болуп, 1 адам жаракат алган.

1. Аттокуров Сагын, 1991-жылы туулган – каза болгон, айдоочу.

2. Аттокурова Зулайка, 1955-жылы туулган – каза болгон.

3. Аттокуров Керимбай, 1989-жылы туулган – жаракат алган.

Куткаруучулар каза болгондорду жана жаракат алган адамды автоунаадан алып чыгып, "Тез жардам" кызматкерлерине өткөрүп беришти. Күйүүчү май ташуучу унаанын ээси такталууда.

Автор: Айпери Ганыжан кызы