Жалал-Абад облусунун тургуну унаа уурдап качып бара жаткан жеринен колго түштү

Жалал-Абад облусунун тургуну унаа уурдап качып бара жаткан жеринен колго түштү. Бул тууралуу Чүй ОИИББинин маалымат кызматынан 14-октябрда билдиришти.

Маалым болгондой, милицияга Чүй облусунун 1987-жылы туулган Ш.М. деген тургуну кайрылып, 13-октябрда саат 24:00 чамасында Фольксваген Гольф-2 унаасын Ауэзов менен Лебединовка көчөлөрүнүн кесилишиндеги кафелердин биринин алдына токтотуп койгон жеринен белгисиз адам уурдап кеткенин айткан.

Издөө иштеринин натыйжасында Чүй облустук МАИ кызматкерлери Жалал-Абад облусунун 1986-жылы туулган С.А. деген тургунун колго түшүрүштү. Учурда кылмыш ишин козгоо маселеси чечилип жатканы айтылды.

Автор: Жамалидин Парманкулов