Бишкекте “үй ичинен 13 700 сомго бааланган буюмдарды уурдаган” деген шек менен 24 жаштагы жаран кармалды

Бишкектин Дордой жаңы конушунда милиция кызматкерлери тарабынан уурулукка шектүү жаран кармалды. Бул тууралуу бүгүн, 14-октябрда Бишкек ШИИББинин басма сөз кызматынан билдиришти.

Маалым болгондой, аталган конуштун тургуну арыз менен милицияга кайрылган. "13-октябрь күнү саат 15:00 чамасында белгисиз адам Дордой конушундагы үйлөрдүн биринин кулпусун сындырып, буюмдарды чыгарып кеткен. Мындан улам жалпысынан 13 700 сомго материалдык зыян келтирилген.
Свердлов РИИБинин ыкчам кызматкерлери бул кылмышка шектүү катары 24 жаштагы Т.И. аттуу жигитти кармашкан. Учурда иликтөө иштери жүрүүдө",- деп жазылат маалыматта.

Автор: Наргиза Бекжанова