Бишкекте өндүргөн продукциясына жасалма акциздик марка чаптаган компанияга иш козголду

Экспертиза быйыл сентябрда компаниялардын биринин автоунаасынан табылган 6232 бөтөлкө спирт ичимдиктеринин акциздик маркалары жасалма экенин тастыктады. Мамлекеттик салык кызматы бүгүн, 22-октябрда билдиргендей, факт боюнча Экономикалык кылмыштарга каршы күрөшүү кызматы кылмыш ишин козгоду.

"Мындан тышкары Мамлекеттик салык кызматынын кызматкерлери 39 816 сом суммасында 401 бөтөлкө контрафакттык алкоголду тартып алышкан. Бир дүкөндөн 292 бөтөлкө, экинчисинен 109 бөтөлкө спирт ичимдиги табылган. Эки дүкөн тең ликёр-арак продукцияларын сатуу үчүн тийиштүү лицензиясы жок иштеп жатышкан",- деп билдирет мекеме.

Автор: Автандил Добулбеков