Ооганстандагы жер титирөөдөн этникалык кыргыздардын канчалык деңгээлде жабыр тартканын тактоо тапшырмасы берилди

28-октябрда премьер-министр Темир Сариев Өзгөчө кырдаалдар министрлигине Ооганстандагы жер титирөөдөн этникалык кыргыздардын канчалык деңгээлде жабыр тартканын тактоо тапшырмасын берди. Өкмөттүк аппараттан билдиришкендей, премьер-министрдин тапшырмасына ылайык, Өзгөчө кырдаалдар министрлиги, Тышкы иштер министрлиги жана Кыргыз Республикасынын Ооганстандагы элчилиги менен биргеликте этникалык кыргыздардын табигый кырсыктан канчалык жабыр тартканын тактап, зарыл болгон жардамды көрсөтүү боюнча сунуш даярдоосу тийиш.

26-октябрь күнү Ооганстандын Гиндукуш аймагында күчү 7,7 баллга жеткен жер титирөөдөн каза болгондордун саны 275ге жетти, 300гө чукул жаран жаракат алды. Алардын арасында Кыргыз Республикасынын жарандары жок экенин КРнын Тышкы иштер министрлигинин басма сөз кызматынан билдиришти.

Чет элдик маалымат каражаттары каза болгондордун 12си мектеп окуучусу экенин жазышууда. Алар Талукан шаарындагы мектепте тебелендиде калып каза болушкан. Ал эми Пакистанда каза болгон жарандардын саны 128ге жетип, жаракат алгандардын саны 1000дей экени айтылууда.

Жер титирөөнүн күчү Индия, Кыргыз Республикасы, Тажикстан, Азербайжан жана Казакстанга да жеткен.

Буга чейин Улуттук илимдер академиясынын Сейсмология институту жер титирөөнүн күчү очогунда 9-10 баллга, кыргыз өлкөсүнүн аймагында 3-4 баллга жеткенин кабарлаган.

Автор: Жамалидин Парманкулов

16:38 28-10-2015

Жазылуу

РУБРИКАДАГЫ СОҢКУ КАБАРЛАР

11:29 2025-05-18 | Түркүн дүйнө

Израилдин Газага жасаган соккуларынан кеминде 78 киши набыт болду 54 0

10:35 2025-05-18 | Түркүн дүйнө

АКШдагы торнадодон кеминде 21 киши каза болду (видео) 284 0

10:04 2025-05-18 | Түркүн дүйнө

"Евровидение-2025" сынагын австриялык ырчы жеңип алды (видео) 337 0

09:39 2025-05-18 | Коом жана турмуш

Садыр Жапаров кыргызстандыктарды Энелер күнү менен куттуктады 315 0

09:27 2025-05-18 | Кылмыштар, кырсыктар

"Кыздын колун скотчтоп..." Адам уурдоого шектелгендер кармалышты 671 0

02:15 2025-05-18 | Коом жана турмуш

Бишкектин борбордук аянтындагы желек айрылды (видео) 1535 0

Архив

Комментарийлер (28)

Talgat87

2015-10-26 21:39:53

Ошто да катуу болду,кудай сактай кор

nurchik05

2015-10-26 21:55:34

жалал абадда да катуу титиреди

Nariste...12

2015-10-26 23:12:19

Кудай сакта , бизде да болду Бишкекте. Балдарым болуп эшикке чыгып отурдук. Эмнеси болсо айттырбай келген кырсыктан кудайым озу сактасын.

Medina87

2015-10-26 23:13:34

АЛЛА озу жар болсун баарыбызга!

aidai88

2015-10-26 23:14:10

2010-2011 жылдарыда катту жер титиреген тунку 2лер чамасы,уктап жаткан жерден чуркап чыккам,жердин термелгени кадимкидей билинген болчу.Ошондо тооба кылдым,олгонум ушул экенда деп андан аркы жашоону элестете албай калган элем.Кудайым озу боорукер,озу сактасын.

Afina

2015-10-27 00:12:05

жараткан алла озу жар болсун! айттырбай келген кырсыктан сактасын!

sagyn91

2015-10-27 00:42:43

Ызычуудан жадаган жаным тынч эле бололучу тынчылык ыроолосунчу.

Neizvestno777

2015-10-27 00:53:11

Домдорго этажкаларга особнякдарга деле жашагым келбей калды жер титироодон кийин...Боз уй тигип алып эле тоонун башына чыгып алып эле жашайт окшойм басып калса да эч нерсе болбойсун

Aidana91

2015-10-27 01:01:49

26сы да жер титиреди саат 15. 16лар чамасында. Алай рай.да

atanchokusu

2015-10-27 04:03:34

Кырсык айттырбай келип. Канчалаган адамдын жанын алып кетет. Тообо кылып жашоо керек. Кече ким элек бугун кимбиз. Эртен ким болобуз. Аны эч ким ойлобойт. Баарын чечуу Аллахым. Аллах ырайымдуу жана кечиримдуу кеч болсо.да кылган катачылыктарга тообо кылып жашашыбыз керек. Жаман жакшы создорум учун кечиресинер.

MAN-CITY

2015-10-27 05:32:25

Ооганстанда олгондордун саны 260тан ашыптыр а Пакистанда 220дан ашыптыр. Булда жараткан Алланын сыноосу.

ailam14

2015-10-27 06:26:22

Каза болгондордун жайы жаннаттан болсун

bazar

2015-10-27 09:59:32

Азербайжанды қайдан кошуп алышты? Кавказда жайгашкан өлконү

aiposha

2015-10-27 13:14:21

ии кудайым өзү сактасын. Өлкөбүздө тынчылык эле болсунчу

nakiw

2015-10-28 11:48:17

Админ.сейсмологдордун ошол айткан кабарын кайсыл жерден окусам болот

Комментарий калтыруу үчүн өз ысымыңыз менен кириңиз же каттоодон өтүңүз.