Бишкек-Торугарт унаа жолунун 65-чакырымында Е.Юбузов деген жаранга таандык болгон Ауди 100 үлгүсүндөгү унаа толугу менен күйүп кетти. Өзгөчө кырдаалдар министрлигинин маалымат кызматы унаанын күйүп кетишине электр жабдууларын пайдаланууда техникалык эреженин бузулушу себеп болгонун 27-октябрда билдирди.
Ошондой эле Балыкчы шаарында дагы Б.Асанбеков деген жаранга таандык болгон Ауди-100 үлгүсүндөгү унаанын алдынкы бөлүгү күйгөн.