Ысык-Атада 3-сентябрдан бери изделип жаткан аялдын жансыз денеси табылып, анын өлүмүнө шектүү катары күйөөсү кармалды

Чүй облусунун Ысык-Ата районунда 1966-жылы туулган аялдын жансыз денеси табылып, анын өлүмүнө шектүү катары күйөөсү кармалды. Бул тууралуу Чүй ОИИББинин маалымат кызматынан 27-октябрда билдиришти.
Маалым болгондой, 17-сентябрда милицияга аталган райондун Ивановка айылынан 27 жаштагы кыз кайрылып, 1966-жылы туулган Д.Е. аттуу апасы 3-сентябрь күнү үйүнөн чыгып кеткен бойдон кайра кайрылып келбегенин билдирип, издөөгө жардам берүүнү суранган.
Жоголгон кезде күйөөсү Ысык-Ата РИИБинин кызматкерлерине аялы менен уруша кетип, андан кийин аялы үйдөн чыгып кеткенин айткан. Жакын туугандары милицияга ал аялды 3-сентябрдан кийин көрө электигин билдиришкен.
Милиция Чүй облусундагы, Бишкек шаарындагы ооруканалардан жана өлүк сактоочу жайлардан издеген.

23-октябрь күнү саат 10:30 чамасында Ивановка айылынын батыш тарабынан (арыктын ичинен) бир аялдын жансыз денеси табылган. 27 жаштагы Ф.А. аттуу кыз каза болгон жарандын көйнөктөрүн көрүп, ал аял апасы экенин тааныган.
Бул факт боюнча кылмыш иши козголуп, кылмышка шектүү катары 1963-жылы туулган Д.В. аттуу маркумдун күйөөсү кармалды. Ал камакка алынып, учурда тергөө иштери жүрүүдө.

Автор: Жамалидин Парманкулов

09:48 27-10-2015

Жазылуу

РУБРИКАДАГЫ СОҢКУ КАБАРЛАР

13:11 2025-05-18 | Түркүн дүйнө

Түркиядагы мейманканада чыккан өрт боюнча айрым айыпталуучулар дээрлик 2000 жылга кесилиши мүмкүн 226 0

12:33 2025-05-18 | Коом жана турмуш

Баткенде эки айыл чарба багытындагы ишкана ачылат 209 0

11:29 2025-05-18 | Түркүн дүйнө

Израилдин Газага жасаган соккуларынан кеминде 78 киши набыт болду 347 0

10:35 2025-05-18 | Түркүн дүйнө

АКШдагы торнадодон кеминде 21 киши каза болду (видео) 639 0

10:04 2025-05-18 | Түркүн дүйнө

"Евровидение-2025" сынагын австриялык ырчы жеңип алды (видео) 621 0

09:39 2025-05-18 | Коом жана турмуш

Садыр Жапаров кыргызстандыктарды Энелер күнү менен куттуктады 484 0

Архив

Комментарийлер (8)

aiwa1990

2015-10-27 10:02:11

Жаткан жери жайлуу болсун! Деги тынчтык эле болсо экен

jon.as

2015-10-27 10:03:02

Кудай сактай коор! Эмне деген заманда жашап жатабыз

shailoo2015

2015-10-27 10:16:59

Аял кишилер бир аз тилин тыйса, элибизде тынччылк, Бактылуулук жана баары жайында болмок. Тойгозгон окшойт күйөөсүн.

-9

ROUSE

2015-10-27 10:37:22

shailoo2015, ооба десен! Эркек киши шымын булгап алса да аял куноолу

nazi25

2015-10-27 10:39:55

shailoo2015, күйөөсү да аялга окшобой эркекке окшосо.Азыркы кээ бир эркектер аялдан өтөт.КыскасЫ ар ким өз ордун,милдетин билиш керек үй бүлөдө.

karona

2015-10-27 12:39:37

Ошол тыйылбаган тилди куйоолору узартат да. Бир куну ушундай тили узун аялдын куйоосу Кудайга нааразы болуп айтып жатыптыр: "Оо Кудай, кыз кезинде жакшы эле, эмнеге азыр мындай жаман аял болуп калды?" Анда кудай жооп бериптир: "Кыз кылып мен жараткам, а аны аял кылган сенсин!" деген экен.

Deniza88

2015-10-27 14:01:46

Ушунча жылы анын ысыгына куйуп суугуна тонуп жашап келген аялына неге мындай мамиле кылат. Эркектер кызык калк экен...

Bereke10

2015-10-28 15:02:42

Аялзатынын тили жондон жон эле узарып кетпейт да. Уй-було учун аны-муну кылышкерек деп куйуп, куйоосуно айта берип эле тили узарат. Тили узарбаш учун эркек эркектей болуш керек. Азыркы заманда аялдар кундузу кечке иштеп акча таап, кечинде уйдогу тиричилик менен убара,копчулук эркектер бала-чака багууну ойлоштун оордуна же арак менен дос,же аялынын мойнунда отурушат же кичине тапкан акчасын кочодогу сойкуларга чачып журо беришет. Турмуштун арабасын аял жалгыз суйроп,тили да узарып кеткен.

Комментарий калтыруу үчүн өз ысымыңыз менен кириңиз же каттоодон өтүңүз.