"Ноокаттагы мектептен компьютерлерди уурдаган" деп шектелип үч бала кармалды, алардын бири аскерден жаңы келгени аныкталды

Ноокат районунда "мектептен компьютерлерди уурдаган" деген шек менен үч бала кармалды. Бул тууралуу Ош облустук милициясынын басма сөз кызматы билдирди.

Маалыматка ылайык, кылмышка шектүүлөр Ош шаарынын аймагынан колго түшүштү. "4-ноябрь түнү үч белгисиз адам Көк-Бел айылындагы мектептин компьютердик бөлүмүнө кирип, 2 компьютер, принтер, ксерокс аппаратын жана башка буюмдарды сыртка чыгарып, Хундай Авенте унаасына жүктөп кеткен. Жолдо унаанын майы түгөнүп баштаганда, саат 02:00дө ушул эле айылдагы май куюучу жайга барып, бычак менен коркутуу аркылуу акча тоношкон. Жалпысынан 3 миң сом алышып, унааны май менен толук толтуруп, белгисиз жакка кетишкен",- деп жазылат маалыматта.

Учурда келтирилген зыяндын көлөмү эсептелүүдө. Ноокат райондук милициясынын тергөө бөлүмү "уурдоо" жана "каракчылык" беренелеринин негизинде кылмыш ишин козгоду.

"Ыкчам иликтөө амалдарынын жүрүшүндө милиция кызматкерлери кылмышка шектүү катары Ош шаарынын 3 жумушсуз тургунун кармашты. Алар 1996-жылы туулган М.М., С.Ж. жана 2000-жылы туулган К.А. аттуу балдар. 19 жаштагы С.Ж. аттуу жигит аскерден жаңы келгени аныкталды. 15 жаштагы К.А. 9-класска чейин эле окуганы анык болду. Мектепте жаман окуганы жана тартип бузуулары үчүн ал окуу жайдан четтетилген",- деп билдирет милиция.

Көк-Бел айылындагы мектептен уурдалган техника Кара-Суу районунда кылмышка шектүүлөрдүн таанышынын үйүнөн табылды. Ал эми принтер ломбарддан табылды. Учурда кармалган балдар убактылуу кармоочу жайга отургузулушту. Тергөө амалдары уланууда.

Айта кетсек, аталган мектептен компьютерлерди уурдоо фактысы боюнча окурманыбыз ЭЛДИК КАБАР жөнөткөн.

Автор: Нургазы Аматов

13:10 07-11-2015

Жазылуу

РУБРИКАДАГЫ СОҢКУ КАБАРЛАР

15:36 2025-05-18 | Коом жана турмуш

Боом капчыгайы беш күн жарым-жартылай жабылып турат 15 0

15:15 2025-05-18 | Түркүн дүйнө

ХАМАСтын Газа тилкесиндеги лидеринин сөөгү туннелден табылды 230 0

14:56 2025-05-18 | Коом жана турмуш

КТМУда "Бейпилдик алып келген энелер күнү" аттуу иш-чара өттү 78 0

14:27 2025-05-18 | Коом жана турмуш

Кочкордо чаң сапырган катуу шамал болууда (видео) 340 0

14:15 2025-05-18 | Коом жана турмуш

Париждеги ЮНЕСКО уюмунун баш кеңсесинде кыргыз-казак айтышы болду 230 0

14:03 2025-05-18 | Түркүн дүйнө

Нью-Йорктогу Бруклин көпүрөсүн сүзүп алган кемедеги 2 адам курман болду (видео) 337 0

Архив

Комментарийлер (22)

Medina87

2015-11-07 14:10:06

Жумушсуздук, акча жоктугунан уурулукка барды деп ойлойм. Бирок АЗСтегилерге бычак которгондору туура эмес болуптур.

don_quixote

2015-11-07 16:04:58

Medina87, Компьютер уурдаганы туурабы анан.

Mars55

2015-11-07 15:09:35

Смартфон кетти.

Mars55

2015-11-07 15:12:59

Андайлар уялбайт бир аз абакта отуруп чыгып озунчо авторитет болуп алат анан жаш балдарды коркутуп уйронгон адат боюунча.

Urmat-1989

2015-11-07 15:36:52

Medina87 акча жок болсо ууру кылыш керекпи акчасы жок болсо уйундо эле тынч олтурсун

Medina87

2015-11-07 16:04:02

Urmat-1989,
Уурулук кылышсын деген ойдо эмес аргасыздыктан барышты да дегенмин. Жазаланышса бычак которгону учун коп жылга камалышаары белгилуу.

bema-krao

2015-11-07 16:34:07

К.А атту 2000-жылы туулса 15 жашта болотко же адашып жатамбы..

magnat1013

2015-11-07 17:36:44

bema-krao, ооба 15 жашта болот а, бешиктен бели чыкпай жатып жашоосун кара такка малганын, булардын келечеги жок, акмактар

more22

2015-11-07 18:41:59

Эмнеге мектептен четтетет же ушундай закон барбы тартиби, окуусу начар болсо мектептен четтетилсин деген четтеткендин ордуна тарбиялабайбы кызыктуу куржокторго тартбайбы ? админ ушул суроого министрликтен жооп алып берсенер алдын ала Рахмат.

bek040295

2015-11-07 18:47:03

караса уурулар авторитет болуп атат анан уурулук кылып бизда зек болуп авторитет болобуз деп ойлошконго дейм

Sandrana

2015-11-07 19:06:07

bek040295,Койгулачы ай ууру бп ким эле авторитет болду кана айтчы )) кулдуросунго кудай сактай корсун андай адамдардан

worpo

2015-11-07 19:41:56

Мектептен четтетилген баланын апасы элдик лотореядан 8 000 000 утуп алганына коп болгон. Байдын баласы

worpo

2015-11-07 20:48:48

Бул Ош жана Жалал-Абад областарында чон масалеге айланды, парламентте талкууга койуп чечпесе уурулар кобойо берегу. Сураныч ушул маселени министирлике билдирип койгулачы Супер инфо. Алдын дала рахмат.

briliant87

2015-11-07 22:08:23

Кезектеги смартфон ээси чыкты.

kypchak80

2015-11-08 00:56:31

Жаштык кылышыптыр...

e-vawa.

2015-11-08 05:29:07

Уурдаганга башка жер табылбаптырбы?

timarama91

2015-11-08 09:28:32

Ой жапжаш балдар экен го ыя. Ии баса смартфондун женуучусу табылды окшойт.

Jikos

2015-11-08 10:10:02

Миллионер уй було экен бироосу, Белек лотореясынан ошого шугур кылып жашаса болмок.

mts0001

2015-11-08 22:24:41

бирден манжаларын кесип коюш керекда эстен кеткис кылып

Комментарий калтыруу үчүн өз ысымыңыз менен кириңиз же каттоодон өтүңүз.