Кыргыз улутундагы Орусия жаранынын 5400 доллар акчасын "атайын техниканын жардамы менен көбөйтүп беребиз" деп алып алгандар колго түшүштү

Кыргыз улутундагы Орусия жаранынын 5400 доллар акчасын "атайын техниканын жардамы менен көбөйтүп беребиз" деп алып алган Камерун менен Нигериянын жарандары колго түшүштү. Бул тууралуу ИИМдин маалымат кызматынан 16-ноябрда билдиришти.

Маалым болгондой, 2015-жылдын ноябрь айында ИИМдин Орусиядагы өкүлчүлүгүнө 1970-жылы Жалал-Абад облусунда туулган Б.У. аттуу Орусиянын жараны кайрылган. Ал ушул жылдын сентябрь айында кара терилүү чет өлкөлүк Карим жана Жамин аттуу эки адам 5400 долларын алдоо жолу менен алып, таптырбай жүргөнүн айткан.

ИИМдин Орусиядагы өкүлчүлүгүнүн маалыматы боюнча, сентябрь айында Москва шаарындагы тез тамактануучу жайлардын биринде Ж.А. аттуу мекендешибиз Карим аттуу чет өлкөлүк жаран менен таанышып калат. Карим ага долларды техниканын жардамы менен эки-үч эсе көбөйтсө болорун айтат. Бир канча күндөн соң Карим аны өз үйүнө чакырып, чогуу жашаган Жамин деген досу менен тааныштырып, ал экөө тең Франциядан боло турганын айткан. Андан кийин Европадан алынып келинген техниканы көрсөтүп, анын жардамы менен жөнөкөй кагазды акча кылып чыгарса боло турганын айтып ишендиришкен. Андан кийин Орусиянын Б.У. аттуу жараны унаасын күрөөгө коюп, анын үстүнө катып жүргөн акчасын кошкон. Бир канча убакыттан кийин Б.У. алардын үйүнө барып акчасын берген. Алар порошокту акчага аралаштырып, андан кийин аны эки кара кагаздын ичине коюп, сыртынан фольга ороп, скотч менен таңып беришкен. Ал акча үч эсе көбөйүш үчүн 10 килограмм салмактагы жүктүн астына 24 саат бастырып турууну айтышкан. Үйүнө келип аны ачканда ичинде эки кара кагаз гана бар болгонун көргөн. Ал убакта Карим жана Жамин из жашырып кетишкен.

Ал жаран өкүлчүлүккө ноябрь айында кайрылган. ИИМ өкүлчүлүгү жана Орусиянын полициясы издөө иштерин жүргүзүп, эки адамды колго түшүрүштү. Өзүн Карим деп тааныштырганы Нигериянын 1991-жылы туулган Батхоломе Эммануел Чибузо аттуу жараны болуп чыкты. Ал эми Жамин деп тааныштырганы Камерун Республикасынын 1975-жылы туулган Жомаха Херман Тиерри аттуу жараны экени аныкталды.

Аларга карата "алдамчылык" беренеси боюнча кылмыш иши козголгон. Учурда тергөө иштери жүрүп жатат.

Автор: Жамалидин Парманкулов

14:18 16-11-2015

Жазылуу

РУБРИКАДАГЫ СОҢКУ КАБАРЛАР

15:36 2025-05-18 | Коом жана турмуш

Боом капчыгайы беш күн жарым-жартылай жабылып турат 15 0

15:15 2025-05-18 | Түркүн дүйнө

ХАМАСтын Газа тилкесиндеги лидеринин сөөгү туннелден табылды 230 0

14:56 2025-05-18 | Коом жана турмуш

КТМУда "Бейпилдик алып келген энелер күнү" аттуу иш-чара өттү 78 0

14:27 2025-05-18 | Коом жана турмуш

Кочкордо чаң сапырган катуу шамал болууда (видео) 340 0

14:15 2025-05-18 | Коом жана турмуш

Париждеги ЮНЕСКО уюмунун баш кеңсесинде кыргыз-казак айтышы болду 230 0

14:03 2025-05-18 | Түркүн дүйнө

Нью-Йорктогу Бруклин көпүрөсүн сүзүп алган кемедеги 2 адам курман болду (видео) 337 0

Архив

Комментарийлер (10)

bekos2012

2015-11-16 14:40:16

45 жашка чыгып калган кишинин сыйкырчыга ишенгенин кара, жакшы табылып калыптыр... Ушу киши кичинесинде сыйкырчы тууралуу жомокту кооооп окуган го чамасы...

Seketimgo

2015-11-16 14:46:44

Тобоо...Чоон эле адам да ушуга ишенеби?

guzel_

2015-11-16 14:47:00

Азыр жаш баланы да алдасан алданбайтго.кантип чин эле кишки ушуга ишенди

kilim

2015-11-16 15:05:04

Кантип ишенет алдырарга жазгырар болуптурда

adilet_3234

2015-11-16 15:43:44

Эми негрлер алдай баштады кыргыздарды. Жинди болгонбу бул Б.У деген жаран.

Altysh_Boldush

2015-11-16 16:09:45

Аларда билишетта. Кимди алдашты. Бизде панбаштар коп. Азыр коншунада ишенбей турган заманго

-1

shailoo2015

2015-11-16 16:13:58

Ал негирлер Кыргызстанга келбептирда, жаш бала деле ишенбейт болчу буларга.

samar55

2015-11-16 16:15:02

Бул кара терилуу эргулдар бир гана жогорудагы адамды эмес москвич орус тургундарын да алдаптып б...булар жонунда орустардын баардык сайттары жазып чыгышты.

zhykyo

2015-11-16 16:46:00

Оло алдаптыр

orhidea

2015-11-16 17:38:43

Айласыз кугосун да.

Комментарий калтыруу үчүн өз ысымыңыз менен кириңиз же каттоодон өтүңүз.