"Дин эксперти Кадыр Маликовдун өмүрүнө кол салгандар "Аллаху Акбар" деп бычакташкан" дейт жабырлануучунун агасы

Дин адиси Кадыр Маликовду сабагандар аны өлтүрүүгө аракет жасашкан. Бул тууралуу маалымат жыйынында жабырлануучунун агасы Тимур Элебесов билдирди.

Анын айтымында, Кадыр Маликов ага карата коркутуулар болуп жатканына байланыштуу буга чейин өлкөнүн күч түзүмдөрүнөн курал алууга уруксат берүүнү суранган, бирок газ тапанчасына гана уруксат берилген. "Бул экинчи кол салуу болуп жатат. Милиция бул окуяны жөн эле бейбаштык деп саноодо. Чындыгында, Кадырдын өмүрүнө кол салынды. Учурда анын абалы оор. Ал өзү бизге билдиргендей, кол салгандар "Аллаху Акбар" деп аны бычакташкан",- деди Элебесов.

Андан соң ал К.Маликовго кол салуу анын ишмердүүлүгүнө байланыштуу экенин баса белгиледи.

Эскерте кетсек, кечээ, 26-ноябрда Бишкектин Асанбай кичи районунда белгисиз адам дин маселелери боюнча абройлуу адис Кадыр Маликов менен чырдаша кетип, аны бычактаган. "Маликов автоунаасы менен унаа токтотуучу жайдан чыгып бараткан. Ага тоскоолдук жараткан унаага үн сигналын бергенде, айдоочу баш бербей койгон. Андан соң алардын ортосунда чыр чыгып, айдоочу Маликовго карата бычак колдонгон. Жыйынтыгында Маликов бетинен жаракат алган. Анын абалы туруктуу. Учурда ооруканада медициналык жардам алууда. Окуя болгон жерге милиция кызматкерлери барышты. Маликовго кол салуу анын ишмердүүлүгүнө байланыштуу эмес. Учурда кылмышка шектүү жаран изделүүдө",- деп билдиришкен Бишкек шаардык милициясынан.

Эксперт Кадыр Маликов “Ирак жана Левант мамлекети” террордук уюмун сындап келет. Бул уюмга арналган иш-чаралардын биринде ал “Ирак жана Левант мамлекети” кыймылы демократияга жана адилеттикке ишеничин жоготуп алган жаштарга багытталган” деп айткан. Бүгүн, 27-ноябрда ал "Террорчулук менен күрөшүүдө мамлекет эмне кылышы керек?" деген темага арналган маалымат жыйынын өткөрмөк.

Автор: Нургазы Аматов
Фото: Нургазы Аматов

16:37 27-11-2015

Жазылуу

РУБРИКАДАГЫ СОҢКУ КАБАРЛАР

20:44 2025-06-29 | Түркүн дүйнө

Белградда миңдеген адам митингге чыгып, мөөнөтүнөн мурда шайлоо өткөрүүнү талап кылышууда (видео) 1116 0

18:09 2025-06-29 | Түркүн дүйнө

Тарыхта биринчи жолу. Тesla электромобили фабрикадан кардардын үйүнө өз алдынча жетти (видео) 1533 0

17:36 2025-06-29 | Түркүн дүйнө

Сеулда пенсионер метро вагонун өрттөп, 150дөн ашуун адам жабыркады (видео) 1141 0

16:49 2025-06-29 | Коом жана турмуш

Орусияда Кыргызстандын 44 миң жараны «Яндексте» эмгектенет 1145 0

16:25 2025-06-29 | Коом жана турмуш

Такыр-Төр көлүнүн кесепеттерин алдын алууга 76 адам тартылды 664 0

15:54 2025-06-29 | Саясат

Кыргызстанга Тажикстандын тышкы иштер министри расмий сапары менен келет 605 0

Архив

Комментарийлер (23)

AiBoru

2015-11-27 17:14:56

Террорист болсо бычактап отурмак беле, атып эле качып кетмек.
Бул жерде явно видно экоо жол талашып урушканы.

stepwgn2483

2015-11-27 18:30:58

AiBoru, сенин фантазияң өтө эле күчтүү экен террорист десе эле автоматчан адамды элестеткенсиң го сразу BMW дан балдар түшө калып атып салган анда кино болуп кетет бул жагы

chinara.1967

2015-11-27 17:19:17

Чынында террорист болсо атып коюп баса берет эле ич ара келишпестик эле болгон аны агасы кобуртуп жабыртып жибериптир да,Кудайдын кенен жолуна батышпай бири бирине корооз болушту да

nur-patriot

2015-11-27 17:26:45

chinara.1967, бул жөн эле коркутуу, "оозуңду жап" деген мааниде. Маликов ИГИЛди сындап келген да. МВДнин реакциясы түшүнүксүз болуп жатат мага жон эле хулиганство деп атат

stepwgn2483

2015-11-27 18:42:50

chinara.1967, сиз ошол окуя болгон жерде көргөндөй жазыптырсыз го же далилиңиз барбы террористер бычак кармабайт деп ким айтты сизге жогоруда жазылган окуяны маани берип окудуңузбу Бүгүн, 27-ноябрда "Террорчулук менен күрөшүүдө мамлекет эмне кылышы керек?" деген темага арналган маалымат жыйынын өткөрмөк деп атат ал жерде же кандайдыр бир маалыматка таянып жазып атасызбы эгер маалыматыңыз болсо толукта

guzel_

2015-11-27 17:20:57

Жол талашса эле созсуз бычакташ керекпи.жаман болуптур айыгып кетиниз

timarama91

2015-11-27 17:21:32

Ай ай ай. Буларды батыраак кармабаса болбочудай.

guzel_

2015-11-27 17:22:13

Жолдо ошончо Адам бар ажыратып койбойбу.

zhykyo

2015-11-27 17:26:21

Жакшы эле жанчып кетиптир .Сакайып кетсин терор мерор эмес эле

potriot.kg

2015-11-27 17:43:19

Дин експерти дегени емнеси.. бул жанагы орусча суйлогон киргизби? Кыргызча суйлобогондордун ХХХХ ХХХХ ХХХХ ХХХХ

-8

admin_superstan

2015-11-27 17:46:39

potriot.kg, провокацияга, мыйзамсыз билдирүүлөргө тыюу салынган! 5 күн БАН!

Добрый

2015-11-27 18:27:26

Маликов дин жагынан ото билимдуу адам аны сындап сага муйуз чыктыбы

tynystan

2015-11-27 18:45:52

Байкуштун бетин тегиздеп салыптырго.коро албагандардын иши болсо керек

nur0077

2015-11-27 20:57:42

Маликов мага окшоп кыргызча жакшы тушунбогон шаардыктар учун Дин жаатында дасыккан тажрыйбалуу адис.Чындыгында аябай жабыр тартыптыр,кылмышкер-зоокурлорду оз ордуларына коюш керек.болбогон нерсе учун Адам кантип мушташсын,Кадыр сылык-сыпайы жигит,жон эле суранса тушунбоптур да.

-1

KGstan81

2015-11-27 20:59:54

Кадыр Маликов муфтияттын кээ бир кызматкерлерине караганда Ислам дини б-ча илими кучтуу.Азыркы муфтиятыз Тааблиг Жааматын колдоп жатышат ошол эле кезде башка олколордо бул уюм экстремистик б.э.Кадыр Маликов бул диний уюм туура эмес жолдо экенин интернеттен бир канча жолу айтып чыккан

Anarbek2015

2015-11-27 22:28:13

Буга Токтайым эжебиз эмне дейт болду экен кызык???

bond

2015-11-28 09:11:27

Arslan12

2015-11-28 17:27:15

Аллаху акбар деп адамды олтургонуно кыжырым кайнайт, иншалах

ufc123456

2015-11-28 21:32:51

Bul jerde bir syr bar bul oku9nyn baaryna milici9 kunoluu deveisinerbi

Bakush22

2015-11-29 22:25:39

oзун жазган коментарийлерди кантип тапса болот айтып койгулачы?

Комментарий калтыруу үчүн өз ысымыңыз менен кириңиз же каттоодон өтүңүз.