Беловодск айылында 13 жаштагы бала өзүнөн 13 жаш улуу шериги менен Фольксваген Гольфту уурдады

Чүй облусунун Беловодск айылында Фольксваген Гольф-2 үлгүсүндөгү автоунааны уурдагандар колго түшүштү. Бул тууралуу облустук милициянын басма сөз кызматы жарыялады.

Маалым болгондой, 2-декабрда Москва райондук милиция бөлүмүнө Беловодск айылынын 1988-жылы туулган тургуну кайрылып, үйүнүн короосуна токтотулган аталган үлгүдөгү унаасы жоголуп кеткенин айткан. Ыкчам иликтөө амалдарынын жүрүшүндө милиция кызматкерлери 1989-жылы туулган К.В. жана 2002-жылы туулган К.А. аттуу балдарды кармашты. Алар убактылуу кармоочу жайга отургузулушту.

Тергөө амалдары уланууда.

Автор: Нургазы Аматов