"Ак-Жол" өткөрүү жайынан Орусиянын жараны жасалма паспорт менен колго түштү

Кыргыз-казак чек арасындагы “Ак-Жол” көзөмөл-өткөрүү жайынан Орусиянын жараны жасалма паспорт менен кармалганын Мамлекеттик чек ара кызматынан 7-декабрда кабарлашты. Маалым болгондой, Орусиянын жараны 6-декабрь күнү мамлекеттик чек арадан өтүүдө колго түшкөн. Документтерди текшерүү учурунда 1966-жылы туулган Орусиянын жаранына тиешелүү паспорт жарым-жартылай жасалма экени аныкталган.
Тиешелүү документтер толтурулуп, кармалган жаран УКМКнын аймактык бөлүмүнүн кызматкерлерине өткөрүлүп берилди.

Автор: Жамалидин Парманкулов