Бишкек-Ош жолунда жеңил унаа менен жүк ташыган унаа кагылышып, 1 адам көз жумуп, 5 адам жаракат алды

Бишкек-Ош жолунда жеңил унаа менен жүк ташыган унаа кагылышып, 1 адам көз жумуп, 5 адам жаракат алды. Бул тууралуу 8-декабрда Өзгөчө кырдаалдар министрлигинен кабарлашты.

Маалым болгондой, 7-декабрда саат 14:50дө Бишкек-Ош унаа жолунун 156-чакырымында Тойота Эстима үлгүсүндөгү унаа менен оор жүк ташуучу Вольво үлгүсүндөгү унаа сүзүшкөн. Жол кырсыгынын кесепетинен 1 адам каза болуп, 5 адам жеңил жаракат алган.

Окуя болгон жерге ӨКМнын Куткаруучуларды даярдоо борборунун куткаруучулары барышып, кыпчылып каза болгон адамдын денесин чыгарып, туугандарына өткөрүп беришкен. Жабыркагандарга биринчи медициналык жардам көрсөтүлгөн.

Автор: Жамалидин Парманкулов