Сокулукта тоноочулукка шектелип 4 адам кармалды

Чүй облусундагы Сокулук районунун Новопавловка айылында Түркиянын 1959-жылкы жаранынын батирине кирип, аны токмоктоп, үй ээсинин ноутбугун, уюлдук телефонун жана 2 миң долларын алып кеткен 4 адам кармалды. Бул тууралуу бүгүн, 10-декабрда облустук милициянын басма сөз кызматы жарыялады.

Маалыматка ылайык, бул окуя 4-декабрда саат 04:00 чамасында орун алган. "5-6 белгисиз адам үй ээсин токмоктоп, ноутбугун, уюлдук телефонун жана 2 миң долларын алып кеткен. Бул факт боюнча "тоноо" беренесинин негизинде кылмыш иши козголгон. Ыкчам иликтөө амалдарынын жүрүшүндө аталган кылмышка шектүү катары 4 адам колго түшкөн. Алардын буга чейин ушул сыяктуу кылмыштарды жасаганы аныкталган. Учурда тергөө амалдары уланууда",- деп жазылат маалыматта.

Автор: Нургазы Аматов